Dt 24:8 - Chuj San Sebastian Bible

⁸ Toto 'ay mach 'aj tzpitzw jun yab'il tzcuch lepra, yowlal tzeyiclj sleyl tzyal eb' ya'mal 'och sti eb' 'anma 'a Dios, atn eb' yin̈tl Leví. Tzeyiclj smasnil jun tzo'n̈ checnb'il 'ix walcn 'ayex, yet' pax 'a eb' levita cha.

Chuj San Mateo Bible

⁸ Tato ay mach b'aj spitzvichaan̈ jun yab'il scuchan lepra, yovalil sc'anab'ajej sleyal jun yab'il chi', icha tz'aj yalan eb' sacerdote, aton juntzan̈ ix valcan d'ayex.

Dt 24:8 ပူးပေါင်းရင်းမြစ်များ

Jeremías 33:18

An̈jtona', may b'a'n̈ 'oj satl eb' ya'mal 'och sti eb' 'ayin, yet' jun tzo'n̈ xo eb' yin̈tl Leví, smasnil tiempo a eb' 'oj 'a'nc tz'a xajmb'al 'ayin. 'A junjn c'u ax ya'n tz'a eb' 'ixm trigo ofrendail 'ayin, ax ya'n eb' jun tzo'n̈ xo xajmb'al 'ayin, xchi Dios.

Lv 13:57

Toto tzcheclj pax chan̈ jun sc'uxmtac chi jun 'ejm xo, a jun cha, yowlal tz'ajx tz'a b'i'an.

Lv 14:14

Tzlajw cha, tzyi'n cot win ya'mal 'och sti eb' chi jac schic'l no xajmb'al yic tztojx lajwc mul cha, tzb'on̈n 'och 'a jun 'anma tzb'ox sc'ojl cha, tz'och 'a sjayl sti schicn 'a swach', 'a snun sc'ab' 'a swach', yet' pax 'a snun yoc 'a swach'.

Lv 14:2

Atn wal jun ley tic 'oj syiclc eb' 'anma tz'ec' lepra 'a 'a. A junc 'anma 'aj 'aych lepra cha, yowlal tz'ilx paxi.

Lv 14:57

sec 'ixta tz'aj snachj 'eli, 'aj 'ay jun tzo'n̈ tas wach', yet' pax jun tzo'n̈ tas man̈ wach'oc. Atn 'a tic tzlajw can c'och jun tzo'n̈ checnb'il tic 'a yib'n̈ jun yab'il tzc'uch lepra.

Mt 8:4

Xlajw cha, xyaln pax 'a winac: —'Ab'i, 'ayt 'aj xal-l jun tic. Palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés. 'Ixta 'oj 'aj scheclj 'eli, chajtlto ach b'ox cani, xchi Jesús 'a winac.

Mr 1:44

—'Ab'i, 'ayt 'aj xal-l jun tic, 'ixic, 'at ch'ox a b'a 'a win ya'mal 'och qui ti 'a Dios, 'at 'ac' junc a ofrenda 'a Dios, 'icha yaj yaln can Moisés, sec man̈x 'a a paltail 'a sat ley. 'Ixta 'oj 'aj scheclj 'eli, chajtlto ach b'ox cani, xchi 'a winac:

Lc 17:14

Yic xyiln Jesús ewinac, xyaln 'ixtic: —'Ixquec, 'at ch'oxc e b'a 'a eb' ya'mal 'och qui ti 'a Dios, xchi 'a ewinac. Axn wan sb'ey ewinac, xb'ox sc'ojl ewin smasnil.

Lc 5:14

Xlajw cha, xyaln Jesús 'a win 'ixtic: —'Ayt 'aj xal-l jun tic, palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés, sec man̈x a paltail 'a sat ley, 'ixta 'oj 'aj scheclj 'eli, chajtlto ach b'ox cani, xchi Jesús 'a winac.