Dt 2:9 - Chuj San Sebastian Bible

⁹ Yuj cha, xyaln Jehová 'ayn 'ixtic: Man̈ e tzuntzc eb' moabita yujto yin̈tl can Lot eb', may xon jac slum eb' 'oj wac' 'ayex. To an xwac' smasnil lum Ar 'a eb'.

Chuj San Mateo Bible

⁹ Axo yalan Jehová d'ayin icha tic: Man̈ e tzuntzej eb' moabita, yin̈tilal vin̈aj Lot. Man̈ eyac' oval yed' eb', yujto malaj jab'oc slum eb' d'a yol smacb'en ol vac' d'ayex. A in vac'nac masanil smacb'en vin̈aj Ar d'a eb', xchi d'ayin.

Dt 2:9 ပူးပေါင်းရင်းမြစ်များ

2 Cr 20:10

A ticnec, 'ilto, 'ayc' eb' amonita, yet' eb' moabita, yet' eb' cajn 'a lum jolm witz 'a yol yic Seir, atn lum slum eb' 'aj ma'ix yal a c'ojl to 'ix 'e't eb' quit israelal on̈, yic xcot eb' 'a Egipto, yuj cha, 'ix sjeln eb' sb'e, ma'ix yac' lajwc 'el eb' 'anma cha.

Salmos 83:8

yet' pax eb' 'aj Asiria. 'Ix ya'ch sb'a eb' yet' eb' yin̈tl can Lot.

Is 15:1

A jun tzo'n̈ paxti tic 'ix alx can 'el 'a yib'n̈ eb' 'aj Moab: A 'a jun 'ac'wl 'aj 'oj satl chon̈b' Ar yet' jun 'ac'wl 'aj 'oj satl chon̈b' Kir 'a yol yic Moab, a yic cha, 'icha wal to a Moab chi tzsatli; caw 'oj can 'a sictaquil.

Nm 21:15

On̈ laj 'ec' 'a stitc a a cha, atn a 'aych smon̈jonoc lum Moab masnto tzc'och 'a chon̈b' Ar, xchi 'a ch'an̈.

Nm 21:28

A 'a lum Hesbón cha, lum schon̈b' Sehón, ata 'ix n̈ilchj cot jun c'ac' xlajn 'el chon̈b' Ar 'a yol yic Moab. 'Ix lajw pax 'el eb' yajl yaj 'a eb' chon̈b' 'ay 'a spa'nil q'ue sti a Arnón.

Nm 22:4

Yuj cha, 'ix yaln eb' 'anma yic Moab 'a eb' yichm wincal chon̈b' Madián 'ixtic: Smasnil jun tzo'n̈ 'anma tic, 'oj juwc 'el qui lum tic yuj eb', 'icha wal tz'aj slajw 'el te c'ultc yuj no wacax, 'ixta 'oj 'aj lu'um, xchi eb'.

Dt 2:29

'icha on̈ yutj eb' yin̈tl Esaú on̈ schan 'e't 'a sat slu'um, atn eb' cajn 'a lum Seír, yet' eb' moabita cajn 'a lum Ar. 'Ixtan̈ej 'oj caj qui b'ey'ti, masnto 'oj que'cn 'a yojl a Jordán, ax qui c'och 'a lum lum tzyac' Jehová qui Diosal quico'oc on̈, xin chi 'a 'a.

Dt 2:5

Man̈ e comn milc cham eb', yujto a lum slum eb' cha, may xon jac lum 'oj wac' eyico'oc. A eb' lum jolmctac witz 'ay 'a yol yic Seír, yic eb' yin̈tl Esaú yaj lu'um. An 'ix wac' lum 'a eb'.

Jueces 11:15

'Ix 'at yalnc eb' 'ixtc 'a winac: —A Jefté 'ixtc wal tzyutj yalni: An̈ israel on̈ tic on̈, may slum eb' moabita tzquij 'eq'ui, may pax yic eb' amonita quijnac 'eq'ui.

Jueces 11:17

Ata 'ix ca' cot qui checb' 'a win sreyl Edom, xcaln 'a win 'ixtic: Comnoc tzon̈ a chaj 'ec' 'a sat lum a lum tic, xqui chi 'a winac, palta ax win rey cha, ma'on̈ schaj 'e't xon winac. 'Ix qui c'ann pax 'e't qui b'a 'a lum yic win sreyl Moab, an̈jtona', ma'on̈ schaj 'e't pax winac, yuj cha, on̈ canx can 'a Cades on̈.

Jueces 11:18

Xlajw cha, on̈ laj oyy 'ec' 'a lum cusltac lu'um. C'uxn xcoymtej sti slum eb' 'aj Edom yet' lum yic eb' 'aj Moab, masnto on̈ jaw 'a stojlal 'aj tzq'uel c'u 'a Moab cha. Axta 'on̈ 'och wa'an, on̈ can 'a sc'axpil 'ec' sti a Arnón, ma'on̈ c'axw 'e't 'a 'a. Yujto ata tz'el yich smacb'en Moab.