Dt 18:6 - Chuj San Sebastian Bible

⁶ Toto 'ay junc win yin̈tl Leví 'ayc' 'a junc chon̈b' 'ay 'a yol smacb'en eb' quit israelal, tznalb'ej sc'och 'a jun lugar to sic'b'il 'el yuj Jehová,

Chuj San Mateo Bible

⁶ Tato ay junoc levita d'a e cal, te ay sgana sb'at d'a jun lugar ix sic'canel Jehová yic tz'och scajnub'oc yic b'at munlaj ta',

Dt 18:6 ပူးပေါင်းရင်းမြစ်များ

Salmos 26:8

Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Salmos 84:5

Caw wach' yic eb' to yipc'ojlal aj yu'uj, atn eb' tznib'j tzc'och yil q'uin̈ 'a lum tzaln Sión 'aj tz'och 'emmquilal 'ayach.

Nm 35:5

A smasnil lum lum cha, 900 metro tz'ajcn 'a junjn spac'b'il. Lajn tz'aj yechl 'a schan̈paq'uil, 'a norte, 'a sur, 'a 'aj tzq'uel c'u yet' 'a 'aj tz'em c'u. Ax 'a spacl snan̈l lu'um, ata tzcan junjn chon̈b' cha.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:14

Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 16:2

A 'a yic tze nan jun q'uin̈ cha, ata tzeyac' no wacax, mto no calnelu xajmb'al-l 'a Jehová Dios, atn 'a jun lugar 'oj si'l yico'oc, ata tzex 'och 'emmquilal 'a 'a.

Dt 18:7

tztac' yoch 'a'j servil 'a Jehová Dios, 'icha tzyutj munljoc sb'a eb' yit levitail 'a yojltac Dios.

1 Ti 3:1

A junx paxti tic tzwalb't 'ayach, caw yel. Toto 'ay eb' cu'tac tznib'j tz'och yilmalc eb' yit creyenteal, wach' jun munljel chi tznib'j eb' sb'o'.

A Sb'ab'el Carta San Pedro 5:2

'Icha junc 'ilm calnelu, 'ixta tzeyutj e tan̈wni eb' creyente 'ay 'a yol e cuenta, yujto 'icha scalnelu Dios yaj eb' 'ayex. Man̈ yujoc cab' tzex 'ajx pural, man̈ yujoc e nib'n 'och tumin, tzex munlj 'a eyopiso cha. Palta yujn̈ej cab' to tz'el 'a e c'ojl e munlji, yujto 'ixta tznib'j Dios. Caw tzex munljn̈ej wal 'a tzaljc'ojlal.