Dt 16:7 - Chuj San Sebastian Bible

⁷ A no chib'j cha, ton̈j tze b'ol no', tze chin no 'a jun lugar 'oj si'l Jehová qui Diosalec yico'oc, ax yic tzsacb' 'a junx c'u, tzex pax 'a 'aj 'ay e posada.

Chuj San Mateo Bible

⁷ A noc' chib'ej chi', tze b'ol noc', tze chi'an noc' d'a jun lugar ol siq'uel Jehová co Diosal yic tz'och scajnub'oc. Axo d'a junxo q'uin̈ib'alil, tzex meltzaj b'ajtac cajan ex.

Dt 16:7 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:23

A yic swajxclajn̈il xo ab'il yoch Josías reyal, 'ix nax jun q'uin̈ chi yuj yijx chan̈ sb'i Jehová 'a Jerusalén.

2 Cr 35:13

Xlajw cha, sb'oln eb' no xajmb'al yic q'uin̈, 'icha yaj stz'ib'xcani; ax jun tzo'n̈ xo no xajmb'al, 'ix tz'an̈x no 'a yol chen, 'a yol cotc chen, yet' 'a yol xalten. Yajn̈ej 'ix spojn 'ec' eb' mu'c 'a smasnil eb' chon̈ab'.

Jn 11:55

Ax yic wan sjapx stiempoal sjaw q'uin̈ yic snanb'il cot yel eb' israel 'a libre, til wal eb' xlaj cot 'a najat, 'ix laj c'och eb' 'a Jerusalén. Yic mantzac 'och q'uin̈ cha, 'ix c'och eb' ta', sec tzb'o sb'a eb' 'icha xon sb'eyb'al.

Jn 2:13

Wan sjapx jun sq'uin̈ yic snanb'il cot yel eb' israel 'a libre. Yuj cha, 'ix c'och Jesús 'a Jerusalén.

Jn 2:23

A yic 'ayc' Jesús 'a Jerusalén yuj jun q'uin̈ cha, til wal eb' xya'ch sc'ojl 'a 'a, yujto xyil eb' jun tzo'n̈ milagro 'ix ch'oxo.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 16:2

A 'a yic tze nan jun q'uin̈ cha, ata tzeyac' no wacax, mto no calnelu xajmb'al-l 'a Jehová Dios, atn 'a jun lugar 'oj si'l yico'oc, ata tzex 'och 'emmquilal 'a 'a.

Dt 16:6

Palta cojn 'a jun lugar 'oj si'l Dios yico'oc cha, ata tze mil cham no xajmb'al cha. A 'a yic wan xo smucnsb'a c'u, ata tze mil cham no', yujto 'icha jun hora cha, 'ixta on̈ 'eltec 'a Egipto.