Dt 16:4 - Chuj San Sebastian Bible

⁴ A 'a uque c'u cha, man̈x 'a cab' yich pan tz'ilchj 'a e cal 'a yol e chon̈b' cha. An̈jtona pax no chib'j tzeyac' xajmb'al-l cha, man̈x 'a cab' no tzcan eyuj 'a jun b'ab'l c'u cha, sec man̈x 'a no tzcan yico'oc junc xo c'u.

Chuj San Mateo Bible

⁴ A d'a uque' c'ual chi', malajocab' jab'oc yich pan ayec' b'aj ol ex cajnaj chi'. Yed' pax noc' chib'ej tzeyac' silab'il d'a yemc'ualil d'a b'ab'el c'u, malaj jab'oc noc' scan d'a yic q'uin̈ib'alil d'a junxo c'u.

Dt 16:4 ပူးပေါင်းရင်းမြစ်များ

Ex 12:10

Man̈ eyactc can jacx no 'a yic junc xo c'u. Toto matz lajw no eyuj 'a jun 'ac'wl cha, tze wach' n̈usjtz'a no'.

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Ex 12:6

Ton̈j tze si'cn 'elt no', masnto 'a yic chan̈lajn̈e yoch jun 'uj tic, atta 'oj e mil cham no 'a jun c'u cha. A yic wan xo sq'uic'b'i ax e miln eyic e masnil.

Ex 12:8

A 'a yic jun 'ac'wl cha, yic 'oj e chinc no chib'j cha, ton̈j 'oj e b'ol no'. 'Oj e chi no chib'j cha, ax e wan pax 'ixm pan may yich, ax e lon te 'itj caw c'a.

Ex 13:7

A 'a yic uque c'u cha, may xon 'ixm pan 'ay yich 'oj qui wa'ec, may xon pax yich pan 'ayc' 'a catutec, may pax yich pan 'oj 'ilchjoc 'a 'aj 'oj qui c'ochc cha.

Ex 23:18

A yic tzeya'n no xajmb'al 'ayin, man̈ eyac' no schiq'uil yet' 'ixm pan 'ay yich, man̈ e molcn xepual no xajmb'al chi yico'oc junc xo c'u.

Ex 34:25

A yic tzeya'n no noc' xajmb'al-l 'ayin, man̈ eyac' no schiq'uil, yet' 'ixm pan 'ay yich. A no xajmb'al yic snanb'il cot eyel 'a libre, toto matz lajw schix no', matz tac' smolx can no yico'oc junx c'u.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Dt 16:5

A no e xajmb'al yic jun q'uin̈ cha, matz tac' e comn miln no 'a tzann̈j chon̈b'al tzyac' Jehová Dios 'ayex.