Dn 9:16 - Chuj San Sebastian Bible

¹⁶ Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Chuj San Mateo Bible

¹⁶ Mamin Cajal, cojtac to tza c'ulejn̈ej tas tzala'. Yuj chi' eloc val d'a a c'ol ic'anel yaelal yed' yoval a c'ol ayoch d'a yib'an̈ chon̈ab' Jerusalén, yujto a chon̈ab' yaji, icpax yaj tzalan Sion. Masanil nación ay d'a slac'anil sb'uchvaj eb' d'a a chon̈ab' chi', yujn̈ej co chucal yed' yuj schucal eb' co mam quicham.

Dn 9:16 ပူးပေါင်းရင်းမြစ်များ

Nehemías 9:8

'Ix ela to ach ya'ch wal yipc sc'ojol, yuj cha, xa b'on a trato yet'oc, yic tza'n slum eb' yin̈til, atn lum yic eb' cananeo, eb' hitita, eb' amorreo, eb' ferezeo, eb' jebuseo yet' eb' gergeseo; tox 'ix ac' 'el'choc a paxti', yujto tz'el'chn̈ej tas tzala.

Salmos 143:1

Mamin Jehová, chaj ab' in lesl tic, maclj wal ab' tas tzwala. Tza pacn pax 'ayin, yujto tojl a nab'en, tz'el'chn̈ej tas tzala.

Salmos 31:1

Mamin Jehová, cojn ach tzach wa'ch yipc in c'ojol. Man̈ in a cha somchjoc, coln yet' a tojlal.

Salmos 41:13

¡Alx cab' wach' paxti 'a Jehová, atn qui Diosal an̈ israel on̈c tic, ticnec yet' 'a smasnil tiempo! 'Ixta cab' tz'aji.

Salmos 71:2

Caw colwjan̈ wet' muc'uc, coln 'el yet' a tojlal, maclj wal ab' tas tzwala.

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Salmos 85:4

Ach qui Diosal on̈, qui Colmal aji, colwjan̈ pax quet' jun 'ejm xo on̈. 'Ij 'och wan yowl a c'ojl 'a quib'n̈ on̈.

Salmos 89:51

An sic'b'iln 'el oj tic, caw ya jun tzo'n̈ paxti tic tzwab'i: atn schichnc'ojlal eb' 'ajc'ojl yajch 'ayach, caw ya yaln eb' 'a in patquil.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 24:9

Caw 'oj wa' cot junc niwquil yailal 'a yib'n̈ eb'. Caw 'oj xiw jun tzo'n̈ xo nacion̈ yuj eb'. 'Oj 'ijxoc wal 'ejm eb' si'mb'il. A eb' 'anma 'a jun tzo'n̈ nacion̈ 'aj 'oj wac' sactzic can 'at eb', caw 'oj b'uchxoc eb' yuj eb', 'oj b'ajxoc eb' yuj eb'. 'Oj jawc catb' 'a yib'n̈ eb' 'oj b'uchxoc cha.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Jeremías 32:31

A eb' 'anma 'a jun chon̈b' tic, yictax yel yich sb'on 'ejm sb'a eb' 'a 'a, masnto 'a yic jun c'ul tic, may tas wach' sb'o eb', cojn wal stzuntzn cot eb' yowl in c'ojol. Yuj wal cha, caw 'oj in satl eb'.

Jeremías 32:32

A eb' israel yet' eb' et chon̈b' 'aj Judá cha, caw stzuntzj cot eb' yowl in c'ojl yuj jun tzo'n̈ smaysch'olnilal xlaj sb'o'. Lajn xoj tas tz'el sb'on eb' yet' sreyal, eb' yajal, eb' ya'mal 'och sti eb' 'ayin, eb' in checab', yet' pax smasnil eb' 'anma cajn 'a Jerusalén yet' 'a Judá.

Ez 22:4

Yuj a milm 'anma'il 'ix 'och a mul, 'ix laj a b'o jun tzo'n̈ yechl comn dios, 'ix extn 'el a b'a yu'uj. Atn yuj jun tzo'n̈ tic, tzjaw slajb' sc'ul eco'. 'Oj ach wac' sb'aj jun tzo'n̈ xo nacion̈, ax ach wa'n sb'uch eb' 'anma 'ay 'a sat lum lum tic.

Ez 5:14

Sictac 'oj 'ajcn e chon̈b' tic, ax yic 'oj laj 'ec' eb' 'anma cajn 'a stz'ey, 'oj laj stzetzc eb'.

Dn 11:45

Ax sb'on chan̈ scamplamento 'a snan̈l a niwquil mar yet' 'a jun tzaln to yicn̈ej Dios yaji, atn jun tzaln caw wal wach' yilxi. Palta atnta 'oj c'och stiempoal slajw yopiso, man̈x 'a junc mach 'oj colnoc.

Dn 9:20

'Ix in yamnn̈ej 'och in leslwi, 'ix waln q'uet in mul yet' smul eb' wit israelal. Caw wal in tew 'a Jehová in Diosal, yuj lum tzaln Sión to yicn̈ej yaji.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Zacarías 8:3

'Oj in meltzj pax 'a Jerusalén, yic tzin 'aj cajn 'a jun 'ejm xo. 'Ixta to b'i'an, a Jerusalén cha, 'oj scuch Chon̈b' Yiclum. Ax jun tzaln wic an Jehová in, tztac' wuj smasnil, 'oj scuch Tzaln Cojxn̈ej in 'ay wico'.

2 Ts 1:6

A eb' tzex 'ixtn ticnec, a Dios 'oj 'a'noc syailal eb'. Caw tojl tzyutj Dios 'ixta'.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

A Ch'an̈ B'ab'el Libro Samuel 2:7

Mamin Jehová tzac' meb'a'il, tza'n pax ricoal. 'Ay mach tzej 'ejmi, 'ay pax mach tzej cha'an̈.