Dn 8:14 - Chuj San Sebastian Bible

¹⁴ 'Ix ta'w junx ángel chi 'a 'ixtic: A jun tic, 'ayc'n̈ej masnto 'oj tz'acwc 'ec' 2,300 yemc'ual yet' yic sq'uin̈b'il 'aj man̈x 'oj 'ajxoc xajmb'al. Atta 'oj lajwc 'ec' jun tzo'n̈ tic. 'Ixta to b'i'an, ax yijx 'el tas man̈ wach'c 'aych 'a yojl scajnub' Jehová, xchi junx ángel cha.

Chuj San Mateo Bible

¹⁴ Ix tac'vi junxo ángel chi' icha tic: Ato yic ol lajvoquec' 2,300 el man̈ ol ac'chaj silab' d'a yemc'ualil yed' d'a q'uin̈ib'alil. Ato ta' ol lajvoc juntzan̈ chi'. Ichato chi', ol ic'joquel jun tas man̈ vach'oc ayoch d'a Lugar Yicn̈ej Dios Yaji, xchi jun ángel chi'.

Dn 8:14 ပူးပေါင်းရင်းမြစ်များ

Gn 1:5

A sacq'uinl cha, xya'n Dios sb'ic c'ual, ax q'uic'q'uinal, xya'n sb'ic 'ac'wal. X'ec' jun 'ac'wal, yet' jun c'u, 'ixta x'aj yec' b'ab'l c'u.

Is 1:27

Yuj stojlal in nab'en, ax in coln can 'el eb' 'aj Sión, atn eb' 'oj sna sb'a sc'ojol,

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Dn 12:11

A yic 'oj macxoc 'och wan yajx xajmb'al tz'ajx 'a junjn c'u, yet' 'a yic 'oj 'ajxoc 'och tas yajb'il yuj Dios 'a yol scajnub' yic tzjun 'eli, 'ixta to b'i'an, ax yel yich 1,290 c'ual.

Dn 12:12

A wal eb' 'oj techjoc yec' 1,335 c'ul yu'uj, caw wach' yic eb'.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 8:26

A tas 'ix el 'a xajmb'al tz'ajx 'a yic yemc'ual yet' 'a yic sq'uin̈b'ial, tic wal xalx ab'i', tas tzyal 'el'chi. A jun cha, yowlal 'oj 'el'choc. Can cab' n̈ej jun tic 'a a nab'en, may cab' junc mach 'aj tzala yujto a yic caw niwn xo tiempo tox 'ix 'eq'ui, 'ixta to b'i'an, ax yel'ch jun tzo'n̈ tic, xchi Gabriel 'ayin.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.