Dn 7:2 - Chuj San Sebastian Bible

² 'Ix yaln Daniel 'ixtic: Xwil wal 'a jun in waych 'a 'ac'wl q'uiq'ui, to a 'a schan̈paq'uil yolyib'n̈q'uinal, ata 'ix cot jommoc 'ic'. Ax 'a yib'n̈ a niwquil mar xjawi, caw xma'x chan̈ chel-loc a yu'uj.

Chuj San Mateo Bible

² Ix vil d'a in vayich to a d'a schan̈ pac'an̈il yolyib'an̈q'uinal, ix cot pon̈naj ic' d'a yib'an̈ a a', ix ib'xiq'ue a' nivan mar chi' yuuj.

Dn 7:2 ပူးပေါင်းရင်းမြစ်များ

Is 17:12

'Oltac wal eb' 'anma tzcot 'a jun tzo'n̈ xo nacion̈, caw wal tzc'an̈ cob' scot eb' yujto niwn sb'isl eb', lajn wal sc'an̈ scot eb' 'icha sc'an̈ sq'ue wan a mar. Caw wal cob' tz'el yaw eb' nacion̈ chi scoti, 'icha wal sc'an̈ yem pawnjoc a niwc a'.

Jeremías 49:36

'Oj wa' cot owl 'a jun chon̈b' tic, 'icha junc niwquil 'ic' to caw ow, tzanxn̈ej 'aj tzcoti. Tzanxn̈ej 'aj 'oj 'ijxoc 'at eb', man̈x 'a junc nacion̈ 'ajtil ma'oj c'och eb' 'at sc'ub'c 'el sb'a.

Jeremías 51:42

'Icha wal to a a mar 'oj 'at secnjoc 'a yib'n̈ Babilonia cha, 'oj mucchjoc can yuj a'.

Dn 11:4

Palta a yic tox 'ix yij yip yopiso cha, chan̈ c'aj 'oj 'aj spoji. A yopiso jun rey cha, man̈x 'oj b'ey 'a eb' yin̈til, 'oj 'el yip yopiso cha, man̈x lajnoc 'icha 'a yic b'ab'el, yujto tox 'ix poji, chucx mach 'oj 'ochx can reyl sjeloc.

Dn 2:19

Ax 'a yic jun 'ac'wl cha, 'ix ya'n Dios swaychoc Daniel jun paxti to caw c'ultac yaj cha. Yuj cha 'ix yaln win swach' paxti 'a Dios 'aj satcha'an̈.

Dn 7:13

'Ix wilnn̈j 'a in waych chi 'a jun 'ac'wl cha. Ax xwilni 'ay jun x'eml 'a scal 'asun, lajn yilx 'icha 'anma'. 'Ix c'och 'a stz'ey jun Mach 'ayc' 'a jun 'ejmn̈ej cha, 'ix nitzx 'o'ch 'a yojltac.

Dn 7:7

Ax no schan̈l xwil 'a in waych cha, caw yel xo tu yilx no'. 'Ay xo smay yilx 'ochi, caw wal 'ay yip. Caw niwc ye no', nab'a hierro. Choc' tz'aj smasnil tas yu'uj, tzb'u'n can 'ejmi, ax jantc to tzcan yuj cha, c'uxn tzte'cn 'ejm yet' yoc. Caw chuc yilx no 'a yib'n̈ jun tzo'n̈ xo no xin b'ab'l 'ilj cha, 'ay lajn̈e sch'a'ac.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

Dn 8:8

Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal.

Zacarías 6:5

Ax jun ángel cha, 'ix yaln 'ixtc 'ayin: A jun tzo'n̈ tic, tz'at eb' 'a schan̈paq'uil 'aj tzcot 'ic', yic xlajw yelt eb' 'a yojltac jun Yajl 'a smasnil yolyib'n̈q'uinal.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.

Apoc 7:1

Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.