Dn 6:24 - Chuj San Sebastian Bible

²⁴ Xlajw cha, xya'n win rey chi 'ijxoc cot eb' x'a'n queja win Daniel cha. Xya'n win julxoc 'ejm eb' yet' yistzil, yet' yunnal 'a yol yet'l e no león cha. Mantzac xon 'emch eb' 'a yich jun xab' cha, 'ix q'uet chelnjoc e no stoc' 'ejm eb', schin e no eb', cojxn sb'acl eb' xcani.

Chuj San Mateo Bible

²⁴ Ix lajvi chi', ix yalan vin̈ rey chi' to sb'at ic'jicot eb' vin̈ ix alanq'ue jun lolonel d'a spatic vin̈aj Daniel chi'. Ix yumjicanem eb' vin̈ d'a scal noc' choj chi' yed' yetb'eyum yed' yalyuninal junjun eb' vin̈. Manto emc'ochlaj eb' d'a scal noc', ix q'ueta tzacaljoc noc' d'a eb', choc' ix aj eb' yuj noc'.

Dn 6:24 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 14:6

Palta ma'ix smil cham yunnal eb' xcham cha, yujto tz'ib'b'il can 'a ch'an̈ libro yic ley Moisés, 'a 'aj tzyal Jehová 'ixtic: A eb' mamb'il, matz tac' smilx cham eb' yuj smul yunnal, an̈jtona', matz tac' pax smilx cham eb' 'unnab'il yuj smul eb' mamb'il, palta junjn mach mun tzcham yuj smul, xchi.

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Ester 9:10

yunnal win Amán eb' slajn̈wan̈il, atn win 'ochnc 'ajc'ojl 'a eb' israel. May xon wal jac tas 'ay 'a eb' xcham chi 'ix yij 'at eb' israel cha.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Salmos 54:5

A stu nab'enal eb' 'ajc'ojl cha, meltzjc cab' 'och 'a eb'. Mamin Jehová satcn 'el eb', yujto tz'el'ch tas tzala.

Pr 11:8

A mach tojl sb'eyb'al, tzcolx 'el 'a scal yailal yuj Dios; ax junc tu sb'eyb'al, a tz'ochx can syailal sjelc jun cha.

Pr 19:9

A eb' tzya'ch sb'a testigoal 'a tas man̈ yeloc, yowlal 'oj yab' eb' syail; toto tzyac' eb' 'es, 'oj 'at eb' 'a chamel.

Is 38:13

Caw wal tz'el waw wab'n syail yic tz'ec' junjn 'ac'wal, 'icha wal to a junc no león tzcach'n poj in b'aquil. Sc'ual yac'wlil wab'n syal o'oj.

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Dn 3:22

Yujto a win rey 'ix 'a'n jun ley cha, yuj cha, 'ix yiclx muc'uc. A jun jorna cha, caw wal ow sn̈ilchj sc'aq'uil, yuj cha, a eb' soldado x'at julnc 'emt eb' quelmtac chi 'a yojol, 'ix tz'a eb' yuj xob' te c'ac' cha, 'ix cham eb' yuj te'.

Dt 24:16

Matz tac' yajx 'och chaml 'a yib'n̈ eb' mamb'il, mto eb' nunb'il yuj smul yunnal tz'ochi; an̈jtona', matz tac' yajx 'och chaml 'a yib'n̈ eb' 'unnab'il, yuj smul smam snun. Junjn 'anma', tzcham yuj smul.