Dn 6:13 - Chuj San Sebastian Bible

¹³ Xlajw cha, syamn 'och eb' yaln 'ixtc 'a win rey cha: —A win Daniel, win yamchjnac can cot 'a Judá, caw matz yiclj win tas tzal mamin rey. May yel'ch jun ley tic 'a sat. 'Ix quila 'ox 'ejm tzleslwi win 'a junjn c'u, xchi eb'.

Chuj San Mateo Bible

¹³ Yuj chi' ix ochn̈ej ijan eb' vin̈ yalan icha tic: —A vin̈aj Daniel, vin̈ ic'chajnaccot d'a Judá, max sc'anab'ajejlaj vin̈. Mamin rey, man̈ jab'oc xiv vin̈ d'ayach, malaj pax jab'oc yelc'och jun ley chi' d'a vin̈. Toxo ix quila' to oxel slesalvi vin̈ d'a sDiosal d'a junjun c'u, xchi eb' vin̈.

Dn 6:13 ပူးပေါင်းရင်းမြစ်များ

Ester 3:8

Yuj cha, 'ix yaln Amán 'a win rey Asuero 'ixtic: —A 'a smasnil chon̈b' 'ayc' 'a yol a macb'en 'ach mamin rey, 'ay wal jun macn̈ 'anma chuc yeli; chuc yel sley 'a yib'n̈ jun tzo'n̈ xo chon̈ab', matz yiclj xon a ley mamin rey. Caw man̈ smojc cajnn̈ej 'ec' eb' 'a yol a macb'en 'aj tzac' reyal.

Dn 1:6

A 'a scal jun tzo'n̈ quelmtac winc 'ix si'x 'elt yuj win Aspenaz cha, ata 'aych Daniel, Ananías, Misael yet' Azarías. Atn eb' tic, xcot 'a eb' yin̈tl Judá.

Dn 2:25

Yuj cha, wal 'a yajn̈ej 'ix yi'n 'at win Arioc chi Daniel 'a yojltac win rey Nabucodonosor cha. 'Ix yaln win 'a win rey chi 'ixtic: —Mamin rey, a 'a scal ewin yamchjnac cot 'a Judá, ata 'ix 'ilchj jun winc tic wu'uj. A 'oj alnc 'ayach tas tzyal 'el'ch a waych cha, xchi winac.

Dn 3:11

Ax mach to matz yiclni yem cumn 'a 'a, tzjulx 'emt 'a yojl jun jorna caw ow sn̈ilchj sc'aq'uil.

Dn 3:12

Palta 'ay jun tzo'n̈ eb' 'aj Judá, eb' a'jnac yopiso ya'n yajlil 'a yol yic Babilonia tic; atn win Sadrac, Mesac yet' Abed-nego, a ewin tic, caw matz yiclj eb' tas tzala. May yel'ch a diosal 'a eb', yuj cha, matz yac' 'ejm sb'a eb' 'a jun yechl nab'a oro 'ix ac' b'o'oc, xchi eb'.

Dn 3:8

A 'a yic cha, 'ay jun tzo'n̈ ewin caldeo 'ix wul 'a'nc 'och sc'a'l eb' 'aj Judá 'a win rey.

Dn 5:13

Xlajw cha, x'at 'ijxoc cot Daniel, ax yic xjaw 'a yojltac win rey cha, 'ix sc'anb'n win 'a 'ixtic: —¿Ach am tic Daniel a b'i, ach tic yamb'ilch can cot 'icha presoal yuj in mam 'ichm Nabucodonosor 'a chon̈b' Judá?

A Tas Sc'ulejnac Eb' Schecab' Jesús Hechos 17:7

Ax win Jasón tic, xchaj 'och win eb' 'a yol yatut. A eb' tic smasnil, toxn matz yiclj eb' sley win yajl 'a Roma, yujto tzyal eb' to 'ay junx rey, Jesús ab' sb'i, xchi ewin 'a eb' yajl cha.

A Tas Sc'ulejnac Eb' Schecab' Jesús Hechos 5:29

Palta 'ix ta'w Pedro chi 'ixtc yet' jun tzo'n̈ xo eb' schecb' Jesús: —Yowlal a tas tzyal Dios, a tzqui yiclj on̈. Ax jun tzo'n̈ schecnb'il 'anma', toto matz chaj sb'a yet' yic Dios, matz qui yiclj on̈.