Dn 5:29 - Chuj San Sebastian Bible

²⁹ Xlajw cha, xya'n win rey Belsasar 'ajxoc 'och te pichl púrpura 'a Daniel. Xya'n pax win 'ajxoc 'och jun q'uen cadena nab'a oro 'a sjaj 'icha ton̈. 'Ix yaln win 'a smasnil eb' 'anma', to tz'ochcn Daniel 'a yoxl reyal.

Chuj San Mateo Bible

²⁹ Ix lajvi chi', ix schecan vin̈aj rey Belsasar chi' ac'chajoch pichul púrpura d'a vin̈aj Daniel chi'. Ix ac'chajoch jun cadena nab'a oro d'a sjaj vin̈. Ix yalan vin̈ rey chi' d'a masanil anima to a d'a jun rato chi', ix ochcan vin̈aj Daniel chi' d'a yoxil yajalil d'a yol smacb'en.

Dn 5:29 ပူးပေါင်းရင်းမြစ်များ

Gn 41:42

Xlajw cha, xyi'n 'el win rey jun scolc'ab' 'aych seyoal 'a sc'ab', xya'n 'och 'a sc'ab' José. Xya'n win 'ajxoc 'och spichl to lino wach' yilxi, xya'n pax 'och win jun cadena nab'a oro 'a sjaj winac.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Pr 1:9

Yuj jun tzo'n̈ nab'en tic, ax sb'o a b'eyb'al, 'icha wal tz'aj sb'o yilx eb' 'ix 'ix yuj q'uen ton̈, mto yuj junc corona.

Dn 2:48

Xlajw cha, 'ix ya'n 'och win rey chi Daniel 'a jun 'opiso to yel xo niwn yel'chi. Caw niwn jun tzo'n̈ xo siylab' caw wach' 'ix yac' win 'a 'a. 'Ix ya'n 'och win gobernadoral 'a yol smacb'en Babilonia. 'Ix ya'n 'och pax win sat yajlil 'a yib'n̈ smasnil eb' tzyal jelnal sb'a cha.

Dn 5:16

Ach xo tic, xwab'i chajtlto tznachj 'el o'oj, tztac' alni tas tzyal 'el'ch jun tzo'n̈ paxti 'ajltac snachj 'eli. Yuj cha, toto tztac' awtn jun tzo'n̈ letra tz'ib'b'il 'och tic, tzaln pax 'ayin tas tzyal 'el'chi, toto 'ixta', caw 'oj 'ajxoc 'och te pichl púrpura 'ayach. 'Oj 'ajxoc 'och jun q'uen cadena nab'a oro 'a a jaj 'icha ton̈, ax och yoxloc reyl 'ayin, xchi winac.

Dn 5:7

'Ix ya'n 'el win rey chi yaw, xyawtn cot win eb' tzyal jelnal sb'a, eb' tzchumn yet' c'anal, yet' eb' tztac' snan 'el paxti'. A yic xc'och eb', xyaln win 'a eb' 'ixtic: —A mach tztac' yawtn jun tas tz'ib'b'il 'och tic, tzyaln 'ayin tas tzyal 'el'chi, a jun cha, caw 'oj 'ajxoc 'och te pichl púrpura 'a 'a. 'Oj 'ajxoc pax 'och jun q'uen cadena nab'a oro 'a sjaj 'icha ton̈, ax yoch pax yoxl reyl 'a wopiso tic, xchi winac.

Dn 6:2

Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel.