Dn 3:28 - Chuj San Sebastian Bible

²⁸ A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Chuj San Mateo Bible

²⁸ A d'a jun rato chi', ix yalan vin̈aj rey Nabucodonosor chi' icha tic: Alchajocab' vach' lolonel d'a sDiosal vin̈aj Sadrac, vin̈aj Mesac yed' vin̈aj Abed-nego to a ix checancot yángel yic scoljiel eb' schecab' syac' val och sc'ool d'ay. Maj sc'anab'ajej in checnab'il a in rey in tic eb' vin̈, b'ecan sc'ol eb' vin̈ scham d'a yichan̈pax yem cuman d'a yaln̈ej tas diosal to man̈ sDiosaloc eb' vin̈.

Dn 3:28 ပူးပေါင်းရင်းမြစ်များ

Gn 9:26

'Ix yaln pax win 'ixtic: Ya' cab' Jehová in Diosal syaxilal 'a yib'n̈ ni Sem, ax ni Canaán tz'ochcn mosoal 'a na.

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Esdras 1:3

Yuj cha, tzann̈j ex to schon̈b' Jehová eyaji, colwjan̈ec, 'ixquec 'at b'oc chan̈ yatut Jehová e Diosal 'a Jerusalén 'a yol yic Judá.

Esdras 6:11

An̈jtona an tzwala, toto 'ay junc mach matz yiclni tas tzwal tic, 'ijx cab' 'emt junc spatzb'il yatut, tzjoyx 'ejm lin̈an, ax 'a te tzlocx q'ue'i. Ax yatut cha, tzma'x can 'ejm lan̈chjoc, jun b'uln̈xoj tz'ajcni.

Salmos 103:20

Ex yángel Jehová to 'ay eyip, alc e wach' paxti 'a 'a, ex to yiclum ex 'a tas tzyala.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Salmos 33:18

Palta ax Jehová q'uelnn̈ej 'och 'a eb' yiclum yet' 'a eb' to 'ay schamc'ojlal 'a 'a. A 'aych yipc sc'ojl eb',

Salmos 33:21

Yu'uj caw tzon̈ tzaljec, yujto xca'ch yipc qui c'ojol, yujto Cojxni.

Salmos 34:22

A Jehová a tzcoln 'el eb' schecab'. Ma'oj 'ajxoc 'och syailal eb', yujto a 'aych yipc sc'ojl eb'.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Dn 3:25

'Ix yaln win rey cha: A tzwil an tic, coynto chan̈wn̈ ewin tzb'eyc' 'a scal c'ac' cha, jiyb'il 'el ewinac, may tz'i'n ewin xon jab'oc. A jun schan̈l cha, lajn wal yilx 'icha junc ángel, xchi winac.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.

Dn 6:16

Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic: —A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

A Tas Sc'ulejnac Eb' Schecab' Jesús Hechos 4:19

Palta 'ix ta'w Pedro chi yet' Juan 'a ewin 'ixtic: —Palta tzcham wal e nani. ¿Tom wach' 'a sat Dios tze na'a, toto a eyic tic tzqui yiclj on̈, ax Dios, matz qui yiclj tas tzyal on̈?

A Tas Sc'ulejnac Eb' Schecab' Jesús Hechos 5:19

Palta ax 'a 'ac'wal, 'ay jun yángel Cajlil, xwul jacn te preso cha. 'Ix yi'n 'elt eb'. Xlajw cha, xyaln 'a eb' 'ixtic:

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

1 Co 13:3

Wach'xam tzqui siyjec 'ec' smasnil tas 'ay 'ayn̈ec 'a eb' meb'a', toxn̈ej tzca'c 'och qui b'a 'a yol sc'ab' chamel, toxn̈ej tz'a qui niwnalec tic, toto may qui chamc'ojlalec, nab'an̈ej tzquixtjec qui b'a, may jac spac 'oj qui cha'ec.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ Carta D'a Eb' Hebreo 11:37

'Ay eb' julxnac cham yet' q'uen q'ue'en. 'Ay eb' polb'il t'ucchjoc snan̈l yet' q'uen serucho. 'Ay eb' caw 'ajxnac prowal. 'Ay pax eb' chamnc yuj q'uen espada. 'Ay eb' 'icha xoj meb'a'il yeq'ui. Cojxn stz'umal no calnelu, no chiwo 'aych spichloc eb'. Caw meb'a eb', til wal yailal 'ec' yab'jnac eb', yajx pax 'och syailal eb'.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.