Dn 2:49 - Chuj San Sebastian Bible

⁴⁹ 'Ix sc'ann Daniel yopiso jun tzo'n̈ eb' yitb'eym chi 'a win rey. Yuj cha, xya'n 'och win rey chi yopiso win Sadrac, win Mesac yet' win Abed-nego 'a yol smacb'en Babilonia cha. Ax Daniel ata 'aych yopiso 'a sdespacho win rey cha.

Chuj San Mateo Bible

⁴⁹ Ix sc'an yopisio juntzan̈xo eb' vin̈ yetb'eyum vin̈aj Daniel d'a vin̈ rey chi'. Ix schaan sc'ol vin̈ rey chi', ix och eb' vin̈ yajalil d'a yol yic Babilonia chi', aton vin̈aj Sadrac, vin̈aj Mesac yed' vin̈aj Abed-nego. Axo vin̈aj Daniel chi', a d'a sdespacho vin̈ rey chi' ayoch vin̈ d'a yopisio.

Dn 2:49 ပူးပေါင်းရင်းမြစ်များ

Ester 2:19

'Ay jun c'ual, 'a yic 'ix molb'tzax jun tzo'n̈ xo eb' 'ix cob'es, ax Mardoqueo 'ayx yopiso 'a sdespacho win rey.

Ester 2:21

A yic 'aych Mardoqueo chi 'a yopiso 'a sdespacho win rey cha, 'ix yab'n spaxtin chawn̈ winc 'aych stan̈malc spuertail jun despacho cha, atn win Bigtán yet' Teres. Caw wal ow ewin 'a win rey, smol aln ewinac tas 'oj yutc ewin smiln cham win rey cha.

Ester 3:2

'Ix yal win rey to smasnil eb' yajal yet' eb' tz'a'n servil 'a sdespacho, yowlal tz'em cumn eb', tz'em pax n̈ojn eb' 'a yojltac win Amán cha, ax pax win Mardoqueo, ma'ix syiclj jun checnb'il cha.

Pr 28:12

A yic tz'och eb' wach' sb'eyb'al 'a yopiso, caw tzalj eb' 'anma yet' eb', tzya'ch eb' q'uin̈; palta toto a eb' tu snab'en tz'och 'a yopiso, ax eb' 'anma cha, tzlaj sc'ub'c 'el sb'a eb'.

Jeremías 39:3

Ata 'ix 'oxt smasnil eb' soldado to niwc yopiso yic win sreyl Babilonia. Axta x'och wan eb' 'a jun puerta 'a spacl snan̈l chon̈ab'. A eb' niwc yajl cha, atn eb' tic: Nergal-sarezer, Samgar-nebo, yet' Sarsequim, yet' pax junx win Nergal-sarezer.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Dn 1:7

Ax win Aspenaz cha, a win xjeln sb'i eb': a Daniel, Beltsasar x'ajx sb'ioc, win Ananías, Sadrac x'ajx sb'ioc, win Misael, Mesac x'ajx sb'ioc, ax win Azarías, Abed-nego x'ajx sb'ioc.

Dn 2:17

Wal 'a yajn̈ej 'ix 'at Daniel 'a yatut, 'ix yaln 'a ewin yitb'eym 'ayc' chi yet'oc, atn Ananías, Misael, yet' Azarías, 'ix yalni tas yaj jun paxti cha.

Dn 3:1

'Ix ya'n win rey Nabucodonosor 'ajxoc b'o jun yechl comn dios nab'a oro tz'aji, 30 metro ste'il, 'oxe metro spimal. 'Ix yaln winac to ata tzb'o 'a jun pan̈n tzcuch Dura 'a yol yic Babilonia cha.

Dn 6:2

Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.