Dn 2:39 - Chuj San Sebastian Bible

³⁹ A yic 'oj lajwc 'ec' jun opiso tic mamin rey, 'ay junx nacion̈ 'oj q'ue wa'an, ax ya'n reyal, palta ma'oj q'ue'choc sjelnal 'icha ec tic. 'Oj lajwc cha, ax sq'ue wan junx yoxl nacion̈ ya'n reyal, atn jun chi tzch'ox q'uen bronce cha, 'oj yac' yajlil 'a sat smasnil lum lum tic.

Chuj San Mateo Bible

³⁹ Ayic ol lajvoquec' opisio tic, ol q'ue vaan junxo nación, palta man̈ lajanoclaj yed' jun ic tic. Slajvi chi', ol q'ue vaan junxo yoxil, aton jun sch'ox q'uen bronce chi'. Aton jun chi' ol ac'an yajalil d'a yib'an̈ masanil yolyib'an̈q'uinal tic.

Dn 2:39 ပူးပေါင်းရင်းမြစ်များ

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Dn 10:20

'Ix yaln 'ayn 'ixtic: ¿Ojc ama tas yuj in jaw wul ach wila'? A ticnec, 'oj wal 'ayach, tas jun tzo'n̈ tz'ib'b'il 'a ch'an̈ libro yic jun tzo'n̈ paxti caw yel: A ticnec, to 'oj in 'atx wac' owl yet' jun ángel syajlil Persia. Ax yic 'oj lajwc wa'n owl yet' cha, ax sjaw pax jun ángel syajlil Grecia. A yic tzwa'n owl yet' eb', may junc mach tzcolwj wet'oc, cojn wal Miguel, jun ángel syajlil chon̈b' Israel, a tzcolwj wet'oc.

Dn 2:32

A sjolm jun yechl cha, nab'a oro smasnil. A sn̈i sc'ojol yet' sc'ab' nab'a plata. Ax sc'ojol yet' xub' nab'a bronce.

Dn 2:38

Ach ya'n 'och yajlil 'a sat smasnil lum lum 'aj cajn eb' 'anma', 'aj 'ay no calte'al noc', yet' no ch'ic. A Dios cha, a 'a'jnacch 'och yajlil 'a yib'n̈ smasnil tas, yuj cha, ach tzach yal sjolm jun yechl to nab'a oro cha.

Dn 2:40

'Oj lajwc cha, ax sq'ue wan junx schan̈l nacion̈ ya'n reyal. A jun cha, yel xo wal caw 'ay yip 'icha q'uen hierro. Yujto a q'uen cha, tztechj sma'n poj q'uen junc tas, 'ixta jun nacion̈ 'oj q'ue wan cha, 'oj satxoc 'el smasnil jun tzo'n̈ nacion̈ chi yu'uj.

Dn 7:23

Xyaln 'ayn 'ixtic: A no schan̈l cha, atn jun schan̈l nacion̈ 'oj pitzwc chan̈ 'a yolyib'n̈q'uinl tic. Caw chuc yel 'a yib'n̈ jun tzo'n̈ xo eb' nacion̈ cha. 'Oj yic'c' smasnil yolyib'n̈q'uinl tic, 'oj yac' yajlil 'a yib'n̈ smasnil, toxn may xon jac sniwnc'ojlal.

Dn 8:20

A no calnelu chab' sch'ac xel cha, atn eb' sreyl chon̈b' Media yet' Persia tzch'oxo.

Dn 8:21

Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo.

Zacarías 6:3

Jun yoxil, sac e no chej to'jnac, ax jun schan̈il, tz'ib'quintac e no chej chi to'jnac.

Zacarías 6:6

A jun caruaje toc'b'il yuj e no q'uic' chej cha, ata tz'at 'a jun nacion̈ 'ay 'a stojlal norte, ax jun caruaje toc'b'il yuj e no sac chej cha, ata tz'at 'a jun nacion̈ 'ay 'a stojlal 'aj tz'em c'u. Ax junx caruaje toc'b'il yuj e no tz'ib'quintac chej cha, ata tz'at 'a jun nacion̈ 'ay 'a stojlal sur, xchi jun ángel cha.