Dn 2:28 - Chuj San Sebastian Bible

²⁸ Palta 'ay jun Dios 'aj satcha'an̈, a tztac' ya'n cojcoc 'el jun tzo'n̈ tas caw c'ultac yaj cha. A tz'a'n ojcoc 'el ach mamin rey tas jun tzo'n̈ 'oj ujc b'aq'uin̈. 'Oj wal 'ayach tas 'ix el 'a a wayich yic wayn̈c ach cha:

Chuj San Mateo Bible

²⁸ Palta ay jun Dios ay d'a satchaan̈, a' syal yac'an cojtaquejel tas satub'tac. A ix ac'an ojtaquejeli tas ol ujoc d'a b'aq'uin̈. A ticnaic ol val d'ayach tas ix a vayichej chi'.

Dn 2:28 ပူးပေါင်းရင်းမြစ်များ

Gn 40:8

—'Ay jun qui waych x'och 'a 'ac'wl tic on̈, palta may mach 'a tic tztac' yaln 'ayn̈ on̈ tas wal tzyal 'el'chi, xchi ewinac. Yuj cha, xyaln José 'a eb' 'ixtic: —¿Tom man̈oc Dios tztac' ya'n spac e waych cha? Alc 'ayin tas xeyil 'a e waych cha, xchi.

Gn 41:16

Xta'w José chi 'ixtic: —Man̈ munoc wico' tznachj 'el wu'uj, palta a Dios 'oj alnoc tas tzyal 'el'ch a waych cha, yic tz'och a wach'loc, xchi José cha.

Gn 41:25

Yuj cha, xyaln José 'a win rey chi 'ixtic: —A chab' a waych xa waychej cha, junn̈j tas tzyal 'el'chi. A Dios tz'a'n a waychoc mamin rey tas nab'il xo yu'uj.

Gn 49:1

'Ix yawtn cot Jacob smasnil eb' yunnal, xyaln 'a eb' 'ixtic: Nitzc cot e b'a 'a in tz'ey ex wunnal, 'oj wala', tas 'oj 'ec' 'a eyib'n̈ b'aq'uin̈:

Salmos 115:3

Ach qui Diosal on̈, ata 'aych 'ec' 'a satcha'an̈, a smasnil tas a nib'jnac a b'o', b'ob'il eb' o'oj.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 30:24

Ma'oj 'och wan yowl sc'ojl cha, masnto 'oj 'el'choc smasnil tas nab'il yu'uj. At 'a yic slajb' xo, ax snachj 'el jun tzo'n̈ tic eyu'uj.

Jeremías 48:47

Palta an Jehová in, an tzwala, to ax 'a slajub', 'oj wi'x q'ue'ch chon̈b' Moab jun 'ejm xo, xchi Dios. Atn jun tzo'n̈ yailal tic 'ix yalcn Jehová 'a yib'n̈ chon̈b' Moab.

Ez 28:3

¿Tom jeln ach to 'a yib'n̈ Daniel a nani? ¿Tom ojc junc tas c'ultac yaji?

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Dn 10:14

Yuj cha, ticnec in jaw 'ayach yic tzwul walnoc ab'i', tas 'oj 'ec' 'a yib'n̈ a chon̈b' chi 'a yic slajb' c'ual. Yujto a tas xel 'a jun a waych cha, atn tas 'oj ujc yic b'aq'uin̈, a chi xch'oxx ela', xchi 'ayin.

Dn 2:18

'Ix yaln 'a eb' to tzc'an eb' scolwal Dios 'aj satcha'an̈, yuj jun paxti to caw c'ultac yaj cha, sec matz milx cham eb' yet' eb' tzcob' yal jelnal sb'a 'a yol yic Babilonia cha.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 2:45

Atn wal chi tzyal 'el'ch q'uen q'uen 'ix el scot 'a sat witz cha, to man̈ 'anmac 'ix ecn cot q'ue'en. A q'uen 'ix 'a'n 'och poccal q'uen hierro, q'uen bronce, lum mucb'il lu'um, q'uen plata yet' q'uen oro. A jun Dios caw niwn yel'chi, a 'ix ch'oxn 'aych mamin rey, yuj tas 'oj ujc b'aq'uin̈. A jun a waych cha, 'oj 'el'choc tas tzyala, 'icha wal tzwutj waln 'aych tic, 'ixta wal tzyal 'el'chi, xchi Daniel 'a win rey cha.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Dn 4:5

Palta 'ay jun 'ac'wal, yic waync in, 'ix 'och jun in wayich. A wal tas 'ix wil cha, caw wal in xiw chan̈ yu'uj.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Nm 24:14

Caw wal wach' toto tzin pax 'a in chon̈ab', palta yic mantzac in paxi, yowlal tzwalcn ab'i' tas 'oj 'aj a chon̈b' tic yuj jun chon̈b'al eb' 'anma chi b'aq'uin̈, xchi.

Mt 6:9

Yuj cha, yel xo wach' tzex leslwi 'ixtic: Ach qui Mam 'aych 'ec' 'a satcha'an̈, niwn yel'ch cab' a b'i.

Dt 31:19

A ticnec, tz'ib'j can jun b'it 'oj wal 'aych tic, tzlajw cha, tza'n scuy eb' et chon̈ab' sec 'oj sb'itnoc eb', yic tz'och testigoal wuj 'a eb'.

Dt 4:30

A yic tox 'ix 'ec' jun tzo'n̈ cusc'ojlal chi 'a eyib'an̈, ax 'a slajub, 'oj e meltzj pax 'a Jehová qui Diosalec, 'oj eyoch yiclumal 'a 'a.

2 Ti 3:1

Yowlal tzojquej 'eli, a 'a yic mantzac jaw jun slajb' c'ual, 'oj jawc jun tiempoal caw 'ay smay.

A Ch'an̈ Carta D'a Eb' Hebreo 1:1

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

Apoc 1:1

A jun libro tic, a tzaln cot yuj jun tzo'n̈ tas 'ac'b'il 'a Jesucristo, yic tzya'n cojcoc 'el an̈ ya'maln̈ec servil. A jun tzo'n̈ tzyal tic, yowlal tox 'oj ujoc. An ton tic Juan in, ya'mal in servil Jesucristo. Schec cot jun yángel, yic xya'n wojcoc 'el jun tzo'n̈ tic.