Dn 2:27 - Chuj San Sebastian Bible

²⁷ 'Ix ta'w Daniel 'a win 'ixtic: —Mamin rey, a jun tas caw c'ultac yaj tza nib'j tzojquej 'el cha, may junc mach tztac' snachj 'el yu'uj. Wach'xam eb' tzyal jelnal sb'a, eb' tzchumn yet' c'anal, eb' wayjel, eb' tztac' snan 'el junc tas, may junc eb' tztac' yaln 'ayach.

Chuj San Mateo Bible

²⁷ Ix tac'vi vin̈ icha tic: —Mamin rey, a jun tas satub'tac tza nib'ej tzojtaquejel chi', vach'chom a eb' vin̈ jelan, eb' vin̈ schuman yed' q'uen c'anal yed' eb' vin̈ ajb'aal, malaj junoc eb' vin̈ snachajel yuuj.

Dn 2:27 ပူးပေါင်းရင်းမြစ်များ

Gn 40:8

—'Ay jun qui waych x'och 'a 'ac'wl tic on̈, palta may mach 'a tic tztac' yaln 'ayn̈ on̈ tas wal tzyal 'el'chi, xchi ewinac. Yuj cha, xyaln José 'a eb' 'ixtic: —¿Tom man̈oc Dios tztac' ya'n spac e waych cha? Alc 'ayin tas xeyil 'a e waych cha, xchi.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Dn 2:2

Yuj cha, xya'n win rey chi 'awtxoc cot eb' 'ay tas tztac' yu'uj, eb' wayjel, eb' tzyal jelnal sb'a, yet' eb' tzchumn yet' c'anal, sec tzyal eb' tas tzyal 'el'ch jun tzo'n̈ swaych win cha. Ax yic xjaw eb' 'a yojltac winac,

Dn 4:7

Ax yic xjaw eb' 'ay tas tztac' yuj cha, eb' tzchumn yet' c'anal, eb' tztac' snan 'el junc paxti', yet' eb' tzyal jelnal sb'a. 'Ix waln jun in waych chi 'a eb', palta ma'ix stac' yaln eb' 'ayin tas tzyal 'el'chi.