Dn 11:35 - Chuj San Sebastian Bible

³⁵ An̈jtona', 'oj milxoc cham jaywn̈oc eb' jeln scuywj chi 'a scal eb' et chon̈b' cha, yic wach' 'oj 'ajxoc prowal jun tzo'n̈ xo eb' 'oj canoc. Ax yijx 'el eb' chab'sat yaj 'a scal eb', ax stojlb'tzax snab'en eb', masnto 'oj c'och jun slajb' c'ual, 'icha tas nab'il yuj Dios.

Chuj San Mateo Bible

³⁵ Ol miljoccham jayvan̈oc eb' c'ayb'um jelan d'a scal a chon̈ab' chi', yic vach' ol ac'chaj proval juntzan̈xo eb' olto canoc, yic vach' tz'ic'chajel eb' chab'sat chi' d'a scal eb', axo stojolb'i spensar eb' chi', masanto ol c'och slajvub' tiempoal nab'il yuj Dios.

Dn 11:35 ပူးပေါင်းရင်းမြစ်များ

2 Cr 32:31

Ax eb' yajl 'a Babilonia, 'ix chec cot eb' schecab' yic tzwul sc'anb'noc eb' yab' jun milagro satjub'tac 'ix uj 'a Judá. A Dios 'ix schaj sc'ojl sb'on Ezequías tas tznib'j sb'o', yic tz'ajx prowal yu'uj sec tzcheclj 'el smasnil tas 'ay 'a snab'en.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Dn 11:27

A wal tas 'ayc' 'a snab'en chawn̈ rey cha, cojn sb'on eb' tu 'a jun jun, a chi tzna eb' sb'oni. 'Oj mol 'em wocn eb' swa 'a junc mexa, ax ya'lan eb' 'es 'a 'a, palta may junc 'a eb' chawn̈ chi 'oj 'el'choc tas tznib'ej, yujto mantzac c'och jun sc'ul alb'il can yuj Dios.

Dn 11:29

A yic 'oj c'och stiempoal tas nab'il yu'uj, ax s'atx yet' eb' soldado 'at yac' owl yet' jun rey 'ay 'a sur cha. Palta a 'a jun 'ejm xo cha, man̈x 'oj yac' ganar 'icha 'a b'ab'el.

Dn 11:33

Til wal eb' et chon̈b' 'oj cuyxoc yuj eb' jeln 'a a chon̈b' cha, palta jayen̈ej c'u, ax smilx cham eb'. 'Oj n̈usxoctz'a eb', 'oj 'elc'xoc 'at smasnil tas 'ay 'a eb'. Mosoal 'oj 'ajcn 'och eb' 'a jun tzo'n̈ chuc chon̈b'al.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Dn 8:10

Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Dn 8:17

Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

Dn 8:19

Xyaln 'ayn 'ixtic: 'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Mt 16:17

Yuj cha, xyaln Jesús 'a Pedro 'ixtic: —Simón, ach yunnal Juan, caw wach' eco', yujto a jun 'ix al tic, may junc 'anma 'ix aln 'ayach. A qui Mam 'ayc' 'a satcha'an̈, a 'ix aln 'ayach.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Jn 20:25

Yuj cha, xyaln eb' yit cuywumal chi 'a 'ixtic: —An̈ tic on̈, 'ix quil Cajlilec chi on̈, xchi eb'. —'A... 'oj wila', toto tzwil 'aj x'och q'uen lawx 'a yol sc'ab', tzwa'n 'och yune in c'ab' 'a yolnil 'aj x'och q'uen cha, tzwa'n pax 'och in c'ab' 'a yolnil scostil, cojn 'ixta', 'oj stac' wa'n 'och 'a in c'ojol, to caw a Jesús cha, xchi 'a eb'.

A Tas Sc'ulejnac Eb' Schecab' Jesús Hechos 13:13

Ax Pablo yet' eb' ajun yet'oc, 'ix 'och eb' 'a yol jun te barco. 'Ix 'elx eb' 'a chon̈b' Pafos cha, 'ix c'och eb' 'a chon̈b' Perge, 'a yol yic Panfilia. Palta ax Juan Marcos, 'ix 'actn can eb', 'ix meltzj can pax 'a Jerusalén.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Santiago 1:2

Ex wu'tac, ex wanab', a yic tzjaw jun tzo'n̈ tzann̈j prowalil 'ayex, caw tzaljan̈c si'mb'il.

Apoc 14:15

Ax 'a yol yatut Dios x'elt junx ángel. Caw 'ip yaln 'at 'ixtc 'a jun wocn q'ue 'a yib'n̈ jun 'asn cha: —Polch a jos cha, tox xjaw stiempoal. Yujto 'icha 'ixm trigo caw taquin̈, 'ixta eb' 'anma 'a yolyib'n̈q'uinal, xchi.

Apoc 17:17

Yujto a Dios 'oj 'a'nc sb'o eb' 'icha tznib'ej. Yuj cha, junn̈j 'oj yutc eb' sb'on jun cha. Ax ya'n pax eb' yopiso 'a jun noc' sb'i cha. 'Ixta 'oj yutc eb', sec tz'el'ch tas yaljnac can Dios.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.