Dn 11:17 - Chuj San Sebastian Bible

¹⁷ Caw 'oj yac' yip yet' smasnil eb' soldado yi'n 'ec' smacb'en win sreyl sur cha. 'Oj yac' jun strato yet' jun rey cha, ax ya'n 'at jun yisl yistloc winac, yic tzya'n 'ejm snani. Palta ma'oj 'el'choc 'icha tas tzna cha.

Chuj San Mateo Bible

¹⁷ Ol yac' yip vin̈ yed' eb' soldado yic'anec' slum vin̈ sreyal sur chi'. Ol yac'an jun strato vin̈ yed' vin̈ rey chi', ol yac'anb'at junoc yisil vin̈ yetb'eyumoc jun vin̈ rey chi', yic syac'an ganar vin̈ yalani, palta man̈ ol elc'ochlaj icha tas sna vin̈ chi'.

Dn 11:17 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:17

A 'a yic jun tiempoal cha, a Hazael sreyl chon̈b' Siria, 'ix yac' owl yet' chon̈b' Gat, 'ix 'ajx ganar Gat chi yu'uj. Xlajw cha, 'ix 'at ya'nc owl yet' Jerusalén.

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

Salmos 56:9

A eb' 'ajc'ojl yajch 'ayin, 'oj 'at eb' 'eloc yic 'oj in c'annc a colwal. Caw wojc si'mb'il to Dios ach, 'aych 'och wet'oc.

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Ez 17:17

Wach'xam a win rey 'a Egipto, caw niwn soldado winac, palta may jac 'aj 'oj stac' scolwj win 'a owl cha. A eb' soldado 'aj Babilonia, 'oj sb'o chan̈ eb' smuro yet' sb'achte 'a spatquil 'el chon̈b' Jerusalén. Caw niwn 'anma 'oj smil eb'.

Ez 25:2

Ach 'anma', meltzjan̈ 'at q'ueln 'a yib'n̈ schon̈b' eb' amonita, tzaln can 'el jun tzo'n̈ paxti tic 'a yib'n̈ eb'.

Ez 4:3

Tze'n cot junc q'uen sa'am, tza lin̈n chan̈ 'a a cal yet' jun chon̈b' cha, tzach 'och q'ueln 'a 'a, 'icha cab' to wan a'n owl yet'oc. Atn jun chi tz'och ch'oxnb'ilc 'a eb' et israelal.

Ez 4:7

Tzach meltzj 'at q'ueln 'a chon̈b' Jerusalén, tza piln 'oxt sc'ab' a camix, tzach paxtin 'at 'a yib'n̈ jun chon̈b' cha.

Dn 11:19

'Oj lajwc cha, ax smeltzj 'a slu'um, 'a 'aj 'aycn jun tzo'n̈ schon̈b' caw wal 'ay yip, palta man̈x 'oj stac' yu'uj, ax satcn 'eli.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Habacuc 1:9

C'uxn tzsatl eb' smasnil tas 'a 'aj tzlaj 'eq'ui. Caw tzniwtj chan̈ xiwc'ojlal yuj tas tzb'o eb'. Yel xo niwn sb'isl eb' 'anma tzyij 'at eb' 'icha presoal, lajn wal sb'isl eb' 'icha yarenail sti a mar.

Mt 12:30

A mach man̈ 'ayc 'och wet'oc, 'ajc'ojl yajch 'ayin. Ax mach matz molb'tzan eb' 'anma wet'oc, a tz'a'n sactzic eb'.

Lc 11:23

A eb' man̈ 'ayc 'och wet'oc, 'ajc'ojl yajch eb' 'ayin. Ax eb' matz molb'tzan cot eb' 'anma wet'oc, a eb' tz'a'n sactzic eb'.

Lc 9:51

Yic wan sc'och stiempoal spax Jesús 'a satcha'an̈, 'ix ste'wtzej sb'a s'at 'a Jerusalén.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?