Dn 10:20 - Chuj San Sebastian Bible

^20-21 'Ix yaln 'ayn 'ixtic: ¿Ojc ama tas yuj in jaw wul ach wila'? A ticnec, 'oj wal 'ayach, tas jun tzo'n̈ tz'ib'b'il 'a ch'an̈ libro yic jun tzo'n̈ paxti caw yel: A ticnec, to 'oj in 'atx wac' owl yet' jun ángel syajlil Persia. Ax yic 'oj lajwc wa'n owl yet' cha, ax sjaw pax jun ángel syajlil Grecia. A yic tzwa'n owl yet' eb', may junc mach tzcolwj wet'oc, cojn wal Miguel, jun ángel syajlil chon̈b' Israel, a tzcolwj wet'oc.

Chuj San Mateo Bible

^20-21 Ix yalan d'ayin: ¿Ojtac ama tas yuj tzin javi d'ayach? Ol val d'ayach tas tz'ib'ab'ilem d'a yol ch'an̈ libro to yel. A ticnaic ol vac'pax oval yed' jun ángel yajal yaj d'a Persia. Ayic ol lajvoc vac'an oval chi' yed'oc, ol ja jun ángel yajal yaj d'a Grecia. A d'a jun oval chi', an̈ej val Miguel scolvaj ved'oc, aton jun ángel yajal yaj d'a a chon̈ab' Israel.

Dn 10:20 ပူးပေါင်းရင်းမြစ်များ

Esdras 4:4

Palta caw 'ix 'och tecn eb' 'ajc'ojl chi 'a eb', sec tzchab'c'ojlej sb'a eb' 'aj Judá, yic tzyactcn eb' sb'on jun munljel cha.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Dn 10:13

A jun ángel yajl yaj 'a yol yic Persia, a in yamn 'och wan junschawinc c'ual. Ax pax Miguel, atn jun ángel sat yajl yaji, a xjaw colwjoc wet'oc, 'ix cancn 'a stz'ey eb' syajlil Persia cha.

Dn 7:6

Ax no yoxil, lajn yilx 'icha no leopardo. 'Ay chan̈e sc'axl 'a spacl yich spatquil. 'Ix wiln paxi to 'ay chan̈e sjolom, 'ix 'ajx 'och yopiso no'.

Dn 8:21

Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.