A Scarta San Pablo D'a Eb' Aj Colosas 3:9 - Chuj San Sebastian Bible

⁹ Man̈ eyac' 'es 'a junc xo mach. Man̈ e b'o jun tzo'n̈ xwal tic, yujto a wal qui nab'enec 'a yic yalan̈, yet' qui b'eyb'alec, tox xcactjec cani.

Chuj San Mateo Bible

⁹ Man̈ eyesej d'ayex junjun ex. A juntzan̈ ix val tic, man̈ e c'ulej, yujto a co chuc pensaril yed' juntzan̈ co b'eyb'al d'a yalan̈taxo, toxo ix cactejcani.

A Scarta San Pablo D'a Eb' Aj Colosas 3:9 ပူးပေါင်းရင်းမြစ်များ

Pr 13:5

Toto wach' qui nab'enec, matz tzquixtjec quit 'anma'il; ax toto tu qui nab'enec, caw tzon̈ yajxec 'eli, tz'el qui q'uixwelec.

Is 63:8

Yuj cha, xyaln 'ixtic: A jun tzo'n̈ 'anma tic, in chon̈b' eb', wunnal eb', man̈x 'oj in yixtc paxti eb', xchi. Yuj cha, xcolx 'el eb' yuj Jehová.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Sofonías 3:13

A eb' israel 'oj can to, man̈x 'oj sb'o eb' tas maysch'olnil, man̈x 'oj yac' eb' 'es. Man̈x 'a mach 'oj yixtc paxti eb', 'oj wa eb', ax yilj eb', man̈x 'a mach 'oj xib'tnoc eb', xchi Dios.

Zacarías 8:16

Atn jun tzo'n̈ tic yowlal 'oj e b'o ax tic: Tzex paxtin junjn ex wal 'a yel 'a eb' eyit 'anma'il, tojl tzeyutj e b'eyc'ojlwi, tzeya'n eyip eyoch 'a junc'ojlal junjn ex,

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

A Scarta San Pablo D'a Eb' Aj Colosas 3:8

Ax ticnec, yowlal 'oj e wach' 'actc can pax jun tzo'n̈ xo tic 'oj walb't tic: Atn owal, chichnc'ojlal, tu'al, b'ajwal, yet' tzann̈j tu paxti'al.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.