A Scarta San Pablo D'a Eb' Aj Colosas 3:23 - Chuj San Sebastian Bible

²³ Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.

Chuj San Mateo Bible

²³ Masanil tas tze c'ulej, c'ulejec d'a smasanil e c'ool, ichato a d'a Cajal Jesús van e munlaji, man̈oc d'a eb' anima.

A Scarta San Pablo D'a Eb' Aj Colosas 3:23 ပူးပေါင်းရင်းမြစ်များ

2 Cr 31:21

A smasnil jun tzo'n̈ sb'o'o yic sc'anx 'a yatut Dios, 'ix sb'o wal 'a smasnil sc'ojol yet' 'a 'emmquilal 'icha yaln ley yet' checnb'il. Yuj cha, caw wach' 'ix 'el'chi.

Salmos 103:1

Wal 'a smasnil in c'ojol, 'oj wal in wach' paxti 'a Jehová.

Salmos 119:10

'A smasnil in c'ojol tzin 'och tza'n o'oj, yuj cha, man̈ in a cha wi'l in nab'en 'a a checnb'il.

Salmos 119:145

Mamin Jehová, yet' smasnil in nab'en 'ix waln in b'a 'ayach, ta'wj in, yujto tzin nib'j in yiclc a checnb'il tic.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Ro 14:6

A mach tz'a'n 'och yopiso jun tzo'n̈ c'u tzwal tic, 'ixta tzb'o'o, sec tzch'oxo to 'ay yel'ch Cajlilec 'a sat. [An̈jtona', a mach matz 'a'n 'och yopiso jun tzo'n̈ c'u tic, 'ixta tzb'o'o, sec tzch'oxo, to 'ay yel'ch Cajlilec 'a 'a.] Yet' pax junx tic, a mach tzann̈j tzc'uxni, tzc'uxn̈ej, sec tzch'oxo, to 'ay yel'ch Cajlilec 'a 'a, yujto tzyac' yuj diosal 'a Dios tzc'uxni. A pax mach matz c'uxn jun tzo'n̈ chi smasnil, 'ixta tzb'o'o, sec tzch'oxo, to 'ay yel'ch Cajlilec 'a 'a, yujto tzyac' pax yuj diosal 'a Dios yuj tas tzc'ux cha.

Ro 14:8

Yuj cha, wach'xam pitzn on̈ec, mto tzon̈ chamec, palta yic on̈cn̈ej Cajlil.

Ef 5:22

Ax 'istlab'il ex, yiclum tzeyutj e b'a 'a eyichmil, 'icha tzeyutj e b'a 'a Cajlil.

A Scarta San Pablo D'a Eb' Aj Colosas 3:17

Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

A Sb'ab'el Carta San Pedro 2:13

Yuj e chamc'ojlal 'a Cajlil, smoj yiclum tzeyutj e b'a 'a jantcn̈ej mach 'ay yopiso yuj eb' 'anma'. Tzeyiclj tas tzyal eb' rey, eb' tz'a'n mandar smasnil.

A Sb'ab'el Carta San Pedro 2:15

Tznib'j Dios, caw wach' tzcutjec qui b'eyb'al, sec wach' a eb' may snab'en, man̈x 'oj stac' yaln eb' jun tzo'n̈ tas may yel'ch 'a qui patquec.