A Scarta San Pablo D'a Eb' Aj Colosas 2:19 - Chuj San Sebastian Bible

¹⁹ Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

Chuj San Mateo Bible

¹⁹ Yuj chi' maxtzac yac'och sb'a eb' d'a Cristo ticnaic. Palta a Cristo chi', icha co jolom, icha chi' yaj d'ayon̈. A on̈xo snivanil caji. Yujto a tz'ac'an quip co tec'c'aji. Yuj spoder Dios junn̈ej tzon̈ aj co masanil icha yaj junoc nivanil.

A Scarta San Pablo D'a Eb' Aj Colosas 2:19 ပူးပေါင်းရင်းမြစ်များ

Lc 5:38

Yuj cha, an̈j 'a yojl jun tzo'n̈ 'ac' tz'u'um, an̈jta tz'ejm 'ac' yal uva cha, sec wach' may tas tz'ixtx 'a schab'il.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Ro 11:17

Palta 'ay eb' wit israelal 'elnc 'a yol sc'ab' Dios. 'Icha junc sc'ab' te olivo tzu'x 'el 'a snun, 'ixta 'ajnc eb' yeli. Ax xo, 'icha sc'ab' junc te olivo mun pa'nac, 'ixta 'ex, yujto man̈ ex israeloc. Palta 'icha to ex c'on̈x can 'och sjelc eb' 'a jun sc'ab' 'aj tzuc'b'il 'elt 'a snun cha, yujto 'ay eyaln eyic yet' eb' qui mam quichm an̈ israel on̈ tic on̈.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 11:3

Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

1 Co 3:6

An tic, yic wec' 'a e cal, 'icha to 'ec' wawjnac can jun tzo'n̈ 'in̈t ta'. Ax Apolos, 'icha to a 'ec' 'a'jnac 'och yalil. Palta atn Dios ex q'uib'tzani.

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

Ef 1:23

Ax yiglesia tic, 'icha to sniwnal yaji, tz'acn tzch'oxl swach'il. A Cristo tic, tz'acn yaj pax smasnil tas yu'uj.

Ef 2:21

'Icha junc n̈a wan stusx q'ue xamital 'a yib'n̈ q'ue'en, caw wach' tz'aj tztusxi, 'ixta cajc 'a Cristo qui masnil. Yujto on̈ 'ochc yatutoc Cajlilec. Caw yic on̈ec, yujto junxn̈ej cajc yet'oc.

Ef 4:3

Yuj Yespíritu Dios, junxn̈ej nab'enal on̈ 'ajec. Yuj cha, tzeyac' 'ip laj e nanoc, sec junc'ojlal tzex 'aji. Toto 'ixta', junxn̈ej tz'aj e nab'en 'a smasnil tiempo.

Ef 5:29

Toc 'ay junc mach tzchichn 'och 'a sniwnal. Qui masnilec, ya'ilb'il qui niwnalec cu'uj, tzca'nec pax servil. Ax Cristo, 'ixta tzon̈ yutjec pax an̈ yiglesia on̈c tic,

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

A Scarta San Pablo D'a Eb' Aj Colosas 2:2

Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.

1 Ts 3:12

Tzqui nib'j on̈, a Cajlilec tzwach' 'a'n niwtjoc e chamc'ojlal, sec 'oj e wach' chamc'ojloc e b'a si'mb'il. Ax e chamc'ojlan pax smasnil 'amna', 'icha tzex cutj ex qui chamc'ojlan pax on̈.

1 Ts 4:10

'In 'ixta wan eyutn e chamc'ojlan smasnil eb' eyit creyenteal 'a yol yic Macedonia. Palta ex wu'tac, ex wanab', tzon̈ tew 'at 'ayx on̈, sec tzwach' niwtj e chamc'ojlal ta'.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.