A Scarta San Pablo D'a Eb' Aj Colosas 2:14 - Chuj San Sebastian Bible

¹⁴ 'Ay jun 'icha b'oc 'aych 'a quib'n̈ec 'a yic yalan̈, yujto ma'ix qui yicljec jun tzo'n̈ ley. Palta a Dios 'ix sucn sat jun 'icha qui b'occ cha. 'Ix yij 'el 'a quib'n̈ec. 'Icha to xlawxax 'och 'a spenc te culus.

Chuj San Mateo Bible

¹⁴ A d'a yalan̈taxo, ay jun icha co b'oc ayoch d'a quib'an̈. Ayb'at d'a quib'an̈ yujto max co c'anab'ajej juntzan̈ ley ac'b'il d'ayon̈. Palta a Dios ix sucan sat jun icha co b'oc chi'. Ix yiq'uel d'a quib'an̈, ichato a d'a spenec te' culus ix lavuxajcanochi.

A Scarta San Pablo D'a Eb' Aj Colosas 2:14 ပူးပေါင်းရင်းမြစ်များ

Nehemías 4:5

Man̈ ac' niwnc'ojlal 'a yib'n̈ smul eb', man̈ cab' 'at satc'ojlal o'oj tastc 'ix 'el sb'on eb', yujto caw 'ix cot yowl sc'ojl eb' 'ayn̈ an̈ tzqui b'o jun muro tic on̈, xin chi.

Ester 3:12

A 'a yic yoxlajn̈il yoch b'ab'l 'uj 'a jun ab'il cha, 'ix 'awtx smasnil eb' yajtz'ib' win rey, ax eb' stz'ib'n jun ley 'ix yac' Amán b'o'oc, yic tz'ajx 'at 'a junjn eb' yajl 'ay 'a junjn niwc chon̈b' 'ay 'a yol smacb'en win rey. A jun ley cha, 'ix tz'ib'x 'a sti', yet' 'a sletra junjn chon̈b'al eb' 'anma', 'ix 'och seyo win rey 'a 'a, yujto locn win 'ix alni.

Ester 8:8

A ticnec, tz'ib'jec 'at 'icha wal tas tze na'a, yuj e wach'loc yet' smasnil eb' eyit chon̈b' cha. Tzeya'n 'och in b'i, yet' pax in seyo yic wopiso 'a ch'an̈, yujto a junc ch'an̈ un̈ 'aj 'aych in b'i, 'aych pax in seyo 'a 'a, caw matz tac' stenx 'ec' tas tzyala, xchi winac.

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Salmos 51:9

Najt tzejcan 'el in mul 'a ojltac, suc sat smasnil in maysch'olnilal.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Is 57:14

'Oj 'ab'xoc yaln Dios 'ixtic: B'oc junc b'e, caw pan̈n tzeyutej, 'ijec 'el tas 'ay 'ejm 'a yol b'e cha, sec wach' 'oj 'ec' eb' in chon̈b' tic, xchi.

Nm 5:23

Ax win ya'mal 'och sti eb' 'anma cha, 'oj stz'ib'c jun tzo'n̈ paxti tic 'a junc ch'an̈ u'un̈, ax sb'icn 'el yet' a c'a a cha.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

A Scarta San Pablo D'a Eb' Aj Colosas 2:20

A ticnec, chamnc on̈c yet' Cristo 'a sat Dios, man̈x 'a yel'ch jun tzo'n̈ comn cuynb'il yic yolyib'n̈q'uinl tic 'ayn̈ec. Yuj cha, ¿tas yuj an̈j 'ijnoc e b'eylb'an sb'eyb'al eb' yic yolyib'n̈q'uinl tic? ¿Tas yuj an̈ja tzeya'ch e nab'en 'a jun tzo'n̈ comn checnb'il yic eb' 'anma'?

2 Ts 2:7

To 'ay jun maysch'olnil wan smunlj 'a c'ultaquil. C'ultac tzmunlj ticnec, masnto 'oj 'ijxc 'el jun wan stenn 'och wa'an.

A Ch'an̈ Carta D'a Eb' Hebreo 7:18

Yuj cha, a jun ley 'a yic yalan̈, lajwnac yopiso, yujto may spoder, nab'an̈ej xoj 'ayq'ui.

A Ch'an̈ Carta D'a Eb' Hebreo 8:13

Yic yaln Dios yuj jun yac' trato tic, sch'oxo, to 'ichm xo jun sb'ab'l trato. Q'uinloc 'ay junc tas tz'ichmax ticnec, tzlajw yopiso. Toto 'ixta', jab'xoj ax swach' satli.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.