A Scarta San Pablo D'a Eb' Aj Colosas 2:13 - Chuj San Sebastian Bible

¹³ A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

Chuj San Mateo Bible

¹³ A d'a yalan̈taxo, chamnac ex d'a yichan̈ Dios yuj e mul, yuj pax to malaj e circuncisión. Palta axo ticnaic, junn̈ej ix yutej Dios yac'an co q'uinal yed' Cristo. Ix yac'an lajvoc masanil co mul.

A Scarta San Pablo D'a Eb' Aj Colosas 2:13 ပူးပေါင်းရင်းမြစ်များ

Salmos 119:50

A jun tzo'n̈ a paxti tic, a eb' tz'a'n in q'uinal, a eb' tz'a'n sniwnal in c'ojol, yic 'ay in cusc'ojlal.

Salmos 32:1

Caw wach' yic eb' to 'ix 'ajx can lajwc smasnil smul, 'ix sucx pax sat smaysch'olnilal eb'.

Salmos 71:20

Wach'xam til wal yailal 'ix a ch'ox wila', yet' pax cusc'ojlal, palta 'oj in a'x pitzwoc jun 'ejm xo; 'oj in e'x q'uet 'a yol lu'um,

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Lc 15:24

Yujto a jun wunnal tic, 'icha to chamnc xo, palta ax ticnec 'icha to xpitzw paxi. Satnc ton 'ati, palta xjapx 'ayin, xchi smam cha. Yuj cha, xya'n 'och eb' sq'uin̈ cha.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Lc 9:60

—A eb' chamnc to 'a sat Dios, a eb' tztac' smucn eb' yit chamnquil cha. Palta ach xo tic, 'ixc 'at al-li chajtl tz'aj eb' 'anma yoch 'a yol sc'ab' Dios, xchi 'a winac.

Jn 5:21

Yujto a 'in Mam cha, tztac' ya'n pitzwc pax eb' chamnac, tzya'n sq'uinl eb'. 'Ixta pax in an Yunnaln tic, toto 'ay eb' tzin nib'j tzwac' sq'uinal, 'oj wac'a'.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Ro 4:17

'Icha yaj yaln can Dios 'a Ch'an̈ U'un̈, a 'aj tzyal 'ixtic: Yujto niwn nacion̈ 'oj ach wa'ch smam 'ichmoc, xchi Dios 'a win Abraham cha. A Dios a tz'a'n pitzwc pax eb' chamnac. Ton̈j tzyala, tzcheclj chan̈ pax jun tzo'n̈ tas mant 'ayc 'ec' xoni.

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

1 Co 15:36

Toto 'ayx 'oj e c'anb'c 'ixta', mant 'a e nab'en. Q'uinloc 'ay junc 'in̈t ticnec, toto matz cawej, ¿tas 'oj 'aj scomn paq'ui? A yic tzcawni, 'icha to tzcham tzquila.

1 Co 15:45

'Ixtc yaj stz'ib'x can 'a Ch'an̈ Un̈ 'ixtic: A jun b'ab'l winac, Adán sb'i, a 'ajxnac pitzwc 'anma'il, xchi. Palta 'ay junx tza'n to xjawi, 'icha Adán chi yaji. Palta a jun cha, espíritu. Atn tz'a'n qui q'uinlec 'a jun 'ejmn̈ej.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Ef 2:1

A ticnec, 'ix yac' Dios qui q'uinlec yet' Cristo. A 'a yic yalan̈, chamnc on̈c 'a sat yuj qui mulec, yuj pax qui maysch'olnilal,

Ef 2:11

Yuj cha, nac coti, tas 'ajnc ex man̈ ex israeloc 'a yic yalan̈. A eb' wit israelal, yaljnac eb' eyu'uj, chajtlto man̈ ex yico'oc Dios, yujto man̈toc 'ac'b'ilx circuncidar. Yujto a eb' cha, tzya'ch eb' jun senya circuncisión sb'i 'a sniwnal.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.

1 Ti 5:6

Palta 'ay pax eb' 'ix chamnc yichmil, cojxn 'a tas tznib'ej, ata tzya'ch eb' snab'en. Yuj cha, wach'xam pitzn eb' 'a sat 'anma', palta ax 'a sat Dios, chamnc xo eb'.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Santiago 2:17

An̈jtona', toto ton̈j tzcob' ca'c 'och qui c'ojl 'a Dios, palta man̈ wach'c tzcutjec qui b'a, nab'an̈ej tzcob' ca'c 'och qui c'ojl 'a 'a.

Santiago 2:20

Palta 'ayex 'icha wal to may e nab'en, nachj cab' 'el jun tzo'n̈ tic eyu'uj. Toto tzcob' cala to 'aych qui c'ojl 'a Dios, palta man̈ wach'c tzcutj qui b'a, toxn may yel'chi, may qui colnb'il yu'uj.

Santiago 2:26

Toto cob' tzca'c 'och qui c'ojl 'a Dios calni, palta man̈ wach'c tzcutjec qui b'a, may yel'ch tas tzcalc cha. Lajn 'icha sniwnal junc chamnc 'anma man̈x 'a spixan.

1 Jn 2:12

Ex 'ac' creyente, tzin tz'ib'j 'at jun tzo'n̈ tic 'ayex, yujto a Dios x'a'n can lajwc e mul yuj Jesucristo.