Cantares 8:9 - Chuj San Sebastian Bible

⁹ Q'uinloc lajn 'ix 'icha junc muro, to 'ixta', tzqui b'oc chan̈ junc n̈a 'a yib'n̈ 'ix to nab'a plata tz'aji. Q'uinloc pax lajn 'ix 'icha junc puerta, tztac' qui macn 'ix yet' te 'a'nte to c'ute', xchi eb'.

Chuj San Mateo Bible

⁹ Tato lajan ix yed' junoc muro, tzam co b'oq'ue chab'oc torre plata d'ay. Tato lajan ix icha junoc puerta, tzam co b'o yed' te' chemte' nab'a c'ute', xchi eb' vin̈.

Cantares 8:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:15

'ix ya'n 'ajxoc 'och te 'a'nte to c'ute 'a sat smasnil yich jun n̈a chi 'a yojol, tzchaj 'el 'a yich, masnto 'ix q'ue'ch 'a yaln̈ patzab', 'ix 'em pax 'a'nte 'a yojol, c'u'tajn̈ej te x'ejmi.

Cantares 1:11

'Oj qui b'o wal a yumchicn to nab'a oro, ax ca'n 'och yelwnub'l to nab'a plata, xchi winac.

Cantares 2:9

Lajn sjaw ni 'icha junc no c'ultquil chej. A ni quelm cha, 'ayx 'ec' 'am ni chi nec 'a spatc n̈a, t'an̈n xo 'oxt am ni 'a ventnu.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Is 60:17

Yuj cha, a tas 'ay 'ayex, 'oj in jela': a q'uen bronce, a q'uen oro 'oj wac' sjeloc; ax q'uen hierro, a q'uen plata 'oj wac' sjeloc; ax te te', a q'uen bronce 'oj wac' sjeloc; ax q'uen q'ue'en, a q'uen hierro 'oj wac' sjeloc. A eb' eyajlil 'oj wac'a', 'oj yac' eb' yajlil 'a stojlal sec 'ay junc'ojlal 'a yol e chon̈ab'.

Is 61:4

'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

A Tas Sc'ulejnac Eb' Schecab' Jesús Hechos 15:16

A yopiso David, satnc 'ejmi, 'icha junc n̈a lan̈chjnac 'ejmi. Palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi,

Dt 22:8

Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.