Cantares 8:8 - Chuj San Sebastian Bible

⁸ A 'ix canb'ec tza'n 'unn to, mant 'a yim 'ix. ¿Tas tzcutjec, q'uinloc tzjaw sc'anmal 'ix 'ayn̈ec?

Chuj San Mateo Bible

⁸ Ay jun ix canab' tzac'an uninto, mantalaj yim ix. ¿Tas sco c'ulej yed' ix tato sjavi sc'anumal ix?

Cantares 8:8 ပူးပေါင်းရင်းမြစ်များ

Salmos 2:8

C'an 'ayin, ax wa'n jun tzo'n̈ niwc nacion̈ 'ayach, ax eca'an smasnil yolyib'n̈q'uinal, masnto 'aj tzlajw c'ochi.

Cantares 4:5

A chab' em, lajn wal yilx 'icha chawn̈oc no cotc c'ultquil chej mojn 'aljnac, tzmontj wa sb'a 'a scal eb' te c'ultc 'ay snich.

Cantares 7:3

A chab' em, lajn 'icha chawn̈oc no cotc c'ultquil chej mojn 'aljnac.

Cantares 8:10

An tic, lajn in wal 'icha junc muro, ax wim, lajn pax 'icha chab'oc torre. Yuj cha, caw wal tzalj ni quelm chi wet'oc.

Cantares 8:9

Q'uinloc lajn 'ix 'icha junc muro, to 'ixta', tzqui b'oc chan̈ junc n̈a 'a yib'n̈ 'ix to nab'a plata tz'aji. Q'uinloc pax lajn 'ix 'icha junc puerta, tztac' qui macn 'ix yet' te 'a'nte to c'ute', xchi eb'.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Ez 16:46

A 'ix b'ab'l 'ix cha, tzyal 'el'chi atn chon̈b' Samaria 'ay 'a stojlal norte yet' yaldeail; ax 'ix tza'n 'ix, tzyal 'el'chi atn chon̈b' Sodoma yet' yaldeail 'ay 'a stojlal sur.

Ez 16:61

Tzlajw cha, ax snan cot sb'a yuj sb'eyb'al, ax yecn q'uixwc sb'a yic 'oj wa'nc pax meltzjoc chab' chon̈b' chi 'a 'a. 'Icha to yune 'oj 'aj eb', wach'xam to may yaln eb' yic a 'in trato yet' Jerusalén cha.

Ez 16:7

An xin q'uib'tzej 'icha junc te c'ultc tzpac'chan̈ 'a sat lu'um. Xq'uib' cha'an̈, yajn̈ej 'ix 'och yip, caw wach' pax yilx 'icha junc 'ix cob's xq'uib' 'elt yim 'a sn̈i sc'ojol, xq'uib' pax xil sjolom, palta jitn 'eli, may spichul.

Ez 23:33

A jun vaso cha, b'ut'n yet' tas tu'. 'Oj oyb'oc 'a jolm yu'uj, ax ya'n ab' syail, atn jun svaso a nul'j Samaria sc'anjnac.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

Jn 10:16

'Ay pax jun tzo'n̈ xo eb' 'oj ya'ch sc'ojl 'ayin, palta man̈ quit chon̈b'oc eb'. Yowlal 'oj in molb'tzoc cot eb'. A eb' cha, 'oj syiclc eb' tas tzwala. Junn̈j 'oj 'aj eb' wic smasnil, yujto junn̈j mach tz'iln eb'.

A Tas Sc'ulejnac Eb' Schecab' Jesús Hechos 10:1

'Ay jun winc 'a chon̈b' Cesarea, Cornelio sb'i. A jun cha, syajlil jun tzo'n̈ eb' soldado tzcuch 'aj Italia.

A Tas Sc'ulejnac Eb' Schecab' Jesús Hechos 16:9

Ax 'a jun 'ac'wal, 'icha waychil x'aj yiln Pablo jun winc 'aj Macedonia, lin̈n 'ec' win xyila. 'Ix tew 'och win 'ixtc 'a 'a: Cotn̈ quet' 'a Macedonia tic on̈, colwjan̈ 'ayn̈ on̈, xchi win 'a 'a.

A Tas Sc'ulejnac Eb' Schecab' Jesús Hechos 22:21

Palta xyaln pax Cajlilec 'ayn 'ixtic: 'Ixic, yujto tzach in checb't 'a scal eb' man̈ israeloc 'a najat, xchi 'ayin, xchi Pablo 'a eb'.

A Tas Sc'ulejnac Eb' Schecab' Jesús Hechos 7:38

Atn Moisés chi 'e'nc yet' eb' 'anma 'a lum cusltac lu'um. 'Ayc' pax jun ángel yet' eb', atn jun xpaxtin yet' Moisés chi 'a lum Sinaí. Ata 'ayc' pax eb' qui mam quichmec yet'oc. A 'a Moisés cha, ata ya'jnac can Dios jun tzo'n̈ spaxti tzyal yuj qui q'uinlec. Yuj cha, a 'a'jnac can pax 'ayn̈ec.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.