Cantares 8:13 - Chuj San Sebastian Bible

¹³ Ach cob's chamc'ojlb'il wu'uj, to 'aych 'ec' 'a scal te 'awb'ente', caw tzin nib'j tzwab' a paxtini. An̈jtona eb' qui wach'c'ojol, tznib'j pax eb' yab' a paxtini, xchi winac.

Chuj San Mateo Bible

¹³ Ach xajanab'il vuuj, ayach ec' d'a scal avb'en, tzin nib'ej svab' yoch a jaj. Yed' eb' camigo, snib'ej pax eb' syab' yoch a jaj, xchi vin̈.

Cantares 8:13 ပူးပေါင်းရင်းမြစ်များ

Salmos 45:14

Wach'x yaj 'ix sb'o yet' spichul, 'ijx cab' 'at 'ix 'a win rey cha. Tza'n 'och jun tzo'n̈ eb' 'ix cob'stac 'ix yitb'eymoc 'ix, atn eb' 'ix swach'c'ojl 'ix.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Cantares 1:7

Ach quelm to chamc'ojlb'il wu'uj, al 'ayin ¿'ajtil tzach 'ilw calnelu? ¿'ajtil tzej 'at e no 'iljoc 'a chimc'ual? ¿Tas yuj ton̈j tzin satc 'icha junc 'ix 'ix ton̈j tzb'eyc' 'a stz'ey eb' et 'ilm calnelual? xchi 'ix.

Cantares 4:16

A 'ic' 'ay 'a stojlal norte, yet' 'ic' 'ay 'a stojlal sur, 'ec' cab' xummoc 'a scal te wawb'en te tic, sec wach' tzpucl sjab' te'. Ach quelm chamc'ojlb'il wu'uj, cotn̈ 'a 'aj 'ay te 'awb'ente tic, wul lo sat te', caw wal chi eb' te sat tic, xchi 'ix.

Cantares 6:11

In xit' b'eyc'oc 'a calc te nogales, yic tz'at wilnc smasnil te te tzwoln 'a lum pan̈an, 'ix in nib'j wal xwila toto wan scan sat te uva, yic tzwiln paxi toto wan scan snichte granado.

Cantares 6:2

A ni quelm cha, 'ix 'at ni 'a 'aj 'ay yawb'ente' 'aj 'ay te su'q'ui yec' sjab', 'ix 'at ni stan̈wc wa scalnelu ta', yic tz'at saync cot ni eb' te nichte'.

Cantares 8:12

A q'uen mil cha, yic Salomón q'ue'en, ax cha'chb' ciente pax yic junjn ewin tztan̈wni te cha. An xo pax tic, 'ay pax wawb'en uva chi to mun wico', mun wojtac tas tzwutj in tan̈wni, xchi 'ix.

Mt 18:20

Yujto tzann̈j 'aj 'ay chawn̈oc mto 'oxwn̈oc mach tzyam sb'a, yic tzyaln sb'a eb' 'ayin, 'ayn 'ec' yet' eb', xchi Jesús.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Jn 16:24

Ax ticnec, mant 'a tas tze c'an 'a Dios 'a in b'i. C'anec, ax e chani. 'Oj 'ajxoc 'ayex, sec 'oj tz'acwc e tzaljc'ojlal.

Jueces 11:38

Yuj cha, 'ix ya'n Jefté chab' 'ujl spermiso jun yisl cha. A 'a jun tiempoal cha, 'ix b'eycn 'ec' 'ix cob's chi yet' eb' yit cob'sal chi 'a lum jolmctac witz. 'Ix 'oc' 'ix si'mb'il yujto tzcham 'ix 'a yic mantzac nupni.

Jueces 14:11

Ax yic xyiln sb'a eb' filisteo chi 'a Sansón to 'ayx 'ec' ta', yuj cha, 'ix yawtn cot eb' lajn̈schawinc eb' quelmtac, sec tzyil eb' yoch jun nupnel cha.