Cantares 7:4 - Chuj San Sebastian Bible

⁴ A 'a jaj, lajn 'icha junc torre b'ob'il 'a q'uen marfil; a yol a sat, lajn 'icha chab' a pama 'ay 'a chon̈b' Hesbón, junn̈j yaj 'a stz'ey spuertail yic Bat-rabim; ax a n̈i', lajn 'icha jun torre yic Líbano, jun q'ueln 'at 'a stojlal chon̈b' Damasco.

Chuj San Mateo Bible

⁴ A a jaj, lajan val icha junoc torre nab'a marfil. A yol a sat, lajan icha chab' a' n̈ajab' d'a chon̈ab' Hesbón, junn̈ej ay d'a spuertail yic Bat-rabim. Axo a n̈i', lajan val yed' torre d'a Líbano, aton jun q'uelanb'at d'a chon̈ab' Damasco.

Cantares 7:4 ပူးပေါင်းရင်းမြစ်များ

Gn 15:2

'Ix ta'w Abram 'ixtic: —Ach Wajlil Jehová, ¿tas wal yopiso jun spac chi wu'uj? Ojc wal si'mb'il to may xon junc wunnal 'ix ac' 'a yic tzyica'an tas 'ay 'ayin. Yuj cha, a mach 'oj 'ica'anc can tas 'ay 'ayin, atn win in checb' Eliezer 'aj Damasco, xchi.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

A Ch'an̈ B'ab'el Libro Yic Yab'ixal Eb' Rey 10:18

'Ix ya'n pax b'o jun niwquil despacho to nab'a marfil x'aji, 'ix ya'n 'ajxoc 'och q'uen oro to caw wach' 'a 'a.

A Ch'an̈ B'ab'el Libro Yic Yab'ixal Eb' Rey 10:22

'Ay jun tzo'n̈ sniwc barco win rey Salomón jun tz'ec' yet' jun tzo'n̈ sniwc barco win Hiram, yoxxil ab'il tzjaw eb' 'a Israel, yet' eb' oro, plata, marfil, no chab'in, yet' no pavo real.

A Ch'an̈ B'ab'el Libro Yic Yab'ixal Eb' Rey 22:39

A jancto yab'xil smasnil tas sb'o win Acab, yet' yab'xil jun yatut win sb'o'o, atn jun nab'a marfil, yet' pax yab'xil jun tzo'n̈ chon̈b' xlaj sb'o win smuroal, ata tz'ib'b'il 'a ch'an̈ libro yic yab'xil eb' sreyl chon̈b' Israel.

A Ch'an̈ B'ab'el Libro Yic Yab'ixal Eb' Rey 7:2

An̈jtona', xya'n b'o pax jun n̈a tzcuch Calte yic Líbano. 45 metro x'aj spac'b'il, nan̈l yoxl schawinc metro x'aj schiquin, nan̈l schan̈lajn̈il metro x'aj ste'il, chan̈ tzol te 'oy c'ute x'och yoyloc. Ax 'a sjolm te 'oy cha, ata can̈n q'ue te patzb' to c'ute'.

2 Cr 8:6

Sb'on pax chon̈b' Baalat, yet' smasnil jun tzo'n̈ chon̈b' 'aj tzmolx tas tzc'uxx yuj Salomón. An̈jtona', sb'on pax smasnil chon̈b' 'aj tzmolx caruaje yet' no chej yic owal, yet' smasnil tas 'ix snib'j Salomón tzb'o 'a Jerusalén, 'a Líbano, yet' 'a smasnil lum lum 'a yol smacb'en.

Salmos 144:12

A eb' cunnal on̈, q'uib' cab' eb' 'icha junc te 'awb'ente'. Ax eb' 'ix quisl on̈, lajn cab' eb' 'ix 'icha spiralil atut, atn jun tzo'n̈ wach' yilxi.

Salmos 45:8

Smasnil a pichul, caw tz'ec' sjab' yet' sperjumail te mirra, te áloe, yet' yic te canela. A son 'aych sch'an̈il a tz'a'n tzaljc'ojlal 'aych 'a atut 'aj tzac' yajlil, jun to nab'a marfil 'aych yelwnub'loc.

Cantares 1:10

Sja'l wal yilx spac'b'il a ti 'a scal a yumchiquin. Sja'l pax yilx a jaj 'a 'aj 'aych a ton̈.

Cantares 4:1

Ach cob's 'ix to chamc'ojlb'il wu'uj, caw wal wach' elxi, nib'jub'tac elx 'ochi. A yol a sat, caw wach' yaj 'elt q'ueln 'a yojl 'och te nip 'ay 'emt 'a a sat, lajn wal yilx 'icha yol sat no 'uch. A xil a jolom, lajn wal yaj 'ejm tzicn 'icha yemt quitzcnoc no chiwo 'a lum spa'nil switzl Galaad.

Cantares 4:4

A 'a jaj, lajn wal yilx 'icha jun torre b'ob'il yuj David, jun 'aj locn 'och jun mil eb' q'uen smacl sat jul-lab' yic eb' 'a'm owl caw jelan.

Cantares 4:5

A chab' em, lajn wal yilx 'icha chawn̈oc no cotc c'ultquil chej mojn 'aljnac, tzmontj wa sb'a 'a scal eb' te c'ultc 'ay snich.

Cantares 6:5

Colb'l xo in eln 'och cha, yujto montchjnacn xo yuj a sat cha. A xil a jolom, lajn wal yaj 'ejm tzicn 'icha yemt quitzcnoc no chiwo 'a lum spa'nil switzl Galaad.

Is 54:4

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

A Ch'an̈ Carta D'a Eb' Hebreo 5:14

Ax jun tzo'n̈ cuynb'il ya snachji, lajn 'icha tas tzc'ux eb' 'anma te'n xo. Yuj cha, a eb' tzcuyn jun tzo'n̈ cha, atn eb' te'n xo snab'en. C'aync xo eb' snan 'eli 'aj 'ay jun tzo'n̈ tas wach', 'aj 'ay pax jun tzo'n̈ tas maych'olnil.