Cantares 7:12 - Chuj San Sebastian Bible

¹² Ax 'a yic tzq'uin̈lb'i 'a junx c'u, tz'at quilnc eb' te snun uva, lemb'il wan xo swoln eb' te', mto wan xo snichn eb' te'. Ax quiln paxi, toq'ue 'ayx pax snichte granado, atn wal ta 'oj in ch'ox in chamc'ojlal 'ayach.

Chuj San Mateo Bible

¹² Axo d'a q'uin̈ib'alil, tzon̈ b'at d'a scal te' uva yic squila' tato ayxo svol te', tato vanxo spoj xumaquil te'. Ol quila' tato vanxo xumacan te' granado, a val ta' ol in ch'oxo' to xajan ach vuuj.

Cantares 7:12 ပူးပေါင်းရင်းမြစ်များ

Salmos 122:5

A 'a jun chon̈b' tic 'ay yatutal b'eyc'ojlal, atn 'a tic 'oj b'eyc'ojlwoc eb' yin̈tl rey David 'a stojlal.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Salmos 73:25

¿Toc 'ay junc xo mach 'a satchan̈ 'aj tzwa'ch in nab'en? Cojn ach toni. A yic 'ayn xo 'ec' et'oc, man̈x 'a tas 'oj in nib'c 'a sat lum tic.

Ex 25:22

A 'a yib'n̈ smac te caxa cha, ata 'oj in ch'ox in b'a 'ayach, 'a snan̈l yechl chawn̈ querubín 'aych 'a yib'n̈ sti smac te scaxail trato, ata 'oj wac' ojcoc 'el smasnil in checnb'il 'a eyib'n̈ ax israel ex tic, xchi Dios.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Cantares 2:13

Til xo wal sat eb' te snun higo, ax te sat uva, caw wal su'q'ui xo yec' sjab' te'. Ach cob's 'ix to chamc'ojlb'il wu'uj, lem, q'uen̈ wa'an, con̈ muc'uc, yujto nab'ilch wu'uj.

Cantares 2:15

Pechc e no wax yet' yune', yujto caw tzsatl e no te snun qui uva on̈, to wanto cob' snichn pax eb' te', xchi eb'.

Cantares 4:13

Lajn ach 'icha 'aj 'ay te 'awb'ente granado wan swolni, ax eb' te sat cha, caw wal chi eb' te', 'icha pax 'aj 'awb'il te alheña tznichni,

Cantares 4:16

A 'ic' 'ay 'a stojlal norte, yet' 'ic' 'ay 'a stojlal sur, 'ec' cab' xummoc 'a scal te wawb'en te tic, sec wach' tzpucl sjab' te'. Ach quelm chamc'ojlb'il wu'uj, cotn̈ 'a 'aj 'ay te 'awb'ente tic, wul lo sat te', caw wal chi eb' te sat tic, xchi 'ix.

Cantares 6:11

In xit' b'eyc'oc 'a calc te nogales, yic tz'at wilnc smasnil te te tzwoln 'a lum pan̈an, 'ix in nib'j wal xwila toto wan scan sat te uva, yic tzwiln paxi toto wan scan snichte granado.

Cantares 7:11

Ach quelem, con̈ b'eyc'oc 'a b'esan. Ata tz'ec' junc 'ac'wl cuj 'a scal eb' te snichte alheña.

Cantares 7:6

Ach cob's chamc'ojlb'il wu'uj, caw nib'jub'tac elxi, caw wal yel xo wach' elxi.

Is 18:5

A yic wan xo spucl snich te uva, tzcheclj can te sat cha, a yic mantzac molx chan̈ sat te 'awb'ente cha, ata 'oj lajwc 'el eb' 'aj Etiopía. 'Icha tz'aj slot'x 'el sc'ab' te snun uva yet' texlex, tzlaj lot'x can 'eli, tzsi'x can monto 'a yet'ul, 'ixta 'oj 'aj eb' 'anma cha.

A Tas Sc'ulejnac Eb' Schecab' Jesús Hechos 15:36

Ax yic x'ec' jaye xo c'u, 'ix yaln Pablo 'a Bernabé 'ixtic: —Con̈, 'at quilx eb' creyente 'a junjn chon̈b' 'ajtc laj 'ec' caljnac 'el spaxti Cajlil, yic tz'at quila', toto an̈ja te'n eb', xchi Pablo.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

2 Co 13:5

Caw tze b'eyc'ojlej e b'a junjn ex, sec tzcheclji, toto yel 'aych e c'ojl 'a Cristo. Caw tzeyac' prowal e b'a junjn ex. ¿Tom man̈ eyojcoc, to a Jesucristo 'aych 'ayx junjn ex? Cojn toto man̈ ex creyenteoc 'a yel, to 'ixta', man̈ 'ayc 'och 'ayex.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

A Ch'an̈ Carta D'a Eb' Hebreo 2:13

Yaljnac pax 'ixtic: A Dios yipc'ojlal yaj wu'uj, xchi. An̈jtona', yaln pax 'ixtic: 'Ayn 'ec' 'a tic yet' eb' wunnal xyac' Dios, xchi 'a Ch'an̈.

A Ch'an̈ Carta D'a Eb' Hebreo 2:15

A 'a yic yalan̈, 'icha to preso cajec, yujto caw on̈ xiwc qui cham ta'. Palta a Jesús, a coljnacn̈ec 'el 'a jun xiwlal cha.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.