Cantares 5:7 - Chuj San Sebastian Bible

⁷ Ax x'aji, xin chan in b'a yet' eb' policia tztan̈wni jun chon̈b' cha, in sma'n eb', in lajw yuj eb', sto'n 'ec' eb' in potil.

Chuj San Mateo Bible

⁷ Ix in ilchajel yuj eb' vin̈ stan̈van chon̈ab'. Ix in smac'an lajvoc eb' vin̈. Te chucxon̈ej ix aj yic'anel in xotil eb' vin̈ stan̈van spuertail chon̈ab' chi'.

Cantares 5:7 ပူးပေါင်းရင်းမြစ်များ

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Cantares 3:3

Xlajw cha, xin c'anb'n 'a eb' policia tztan̈wni jun chon̈b' cha, xwaln 'a eb' 'ixtic: ¿May am 'aj xeyil ni quelm chamc'ojlb'il wu'uj? xin chi 'a eb'.

Cantares 5:8

Ex 'ix 'aj Jerusalén, 'a'c e ti eyaln 'a ni quelm chamc'ojlb'il wuj cha, alc yab' na, to wan in cham in nan na, xchi 'ix 'a eb'.

Cantares 8:11

A Salomón, 'ay jun slum 'a Baal-hamón, ata 'awb'il jun tzo'n̈ uva yu'uj. 'Ix ya'n can 'a yol sc'ab' jun tzo'n̈ eb' tztan̈wni te', ax yic tzch'inn chan̈ eb' sat te uva cha, mil q'uen tumn plata tzyac' junjn eb' 'a winac.

Is 62:6

Ex 'aj Jerusalén, xwa'cn 'och e tan̈mal 'a yib'n̈ smuroal e chon̈ab', sec sc'ual yac'wlil stew eb' eyu'uj. Ax tzex tew 'a Jehová cha, man̈ 'och cab' wan eyaln e b'a 'a 'a.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

Mt 23:2

A eb' cuywjum 'a ley yic Moisés yet' eb' fariseo, 'ay yopiso eb' scuywj 'a ley yic Moisés.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

2 Co 11:13

A eb' cha, ton̈j tzcob' yalch sb'a eb' schecb'oc Cristo. Caw 'ixtm 'anma eb' yet' spaxti cha, mun tzcob' ya'ch sb'a eb' schecb'oc Cristo.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.