Cantares 5:16 - Chuj San Sebastian Bible

¹⁶ A yic tzpaxtin na, caw wach' tas tzyal na, man̈x jantcoc snib'jub'tacl na, caw wal 'ay smon ni yet' smasnil tas tzyal cha. 'Ixtnta wal yilx ni quelm chi ex cob'stac 'aj Jerusalén, xchi 'ix.

Chuj San Mateo Bible

¹⁶ A val slolonel vin̈ syala', te chi' scab'i, te vach'n̈ej vin̈ d'a smasanil. Icha val chi' yilji vin̈ in xajanab'il chi' ex cob'estac aj Jerusalén, xin chi d'a eb' ix.

Cantares 5:16 ပူးပေါင်းရင်းမြစ်များ

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

Salmos 119:103

A jun tzo'n̈ a paxti tic, yel xo wal chi 'a yib'n̈ no yal chab'.

Salmos 148:13

Smasnil eb' tic, yal cab' eb' swach' paxti 'a Jehová, yujto cojn ton niwn yel'chi, a stzictznial, 'ayc'n̈ej 'a sat lum tic yet' 'a satcha'an̈.

Salmos 19:10

Yel xo wal caw nib'jub'tac 'a yib'n̈ q'uen oro caw wach'. Yel xo wal caw chi' 'a yib'n̈ no yal chab' tzat 'elt 'a sc'ate'.

Salmos 45:2

Ach rey, cojn ach yel xo wach' 'elx 'a yib'n̈ smasnil eb' winac. Man̈x jantcoc wach' paxti tzala, yujto 'ix yac' Dios syaxilal 'a eb'n̈ 'a jun 'ejmn̈ej.

Salmos 89:6

May junc xo dios, mto junc tas 'ay 'a satchan̈ tztac' slajb'tzan sb'a et'oc.

Cantares 1:16

Ach quelm to chamc'ojlb'il wu'uj, man̈x jantcoc sja'l elxi, caw wal wach' elxi. Ax qui waynub', caw wal nichtetac yilxi, xchi 'ix.

Cantares 1:2

Ach quelm to chamc'ojlb'il wu'uj, ¡tz'ub' 'elt jac in ti'! Yujto yel xo wach' tzwab' 'a yib'n̈ te yal uva.

Cantares 1:5

Ex 'ix 'aj Jerusalén, an tic q'uic' 'ixl wilxi, palta caw wach' wilx 'ochi. Q'uic' cab' wilx 'icha yilx smantiado eb' 'aj Cedar, palta wach' pax wilx 'icha te cortina 'aych 'a yol yatut Salomón.

Cantares 2:1

An tic, lajn in 'icha te snichte 'ay 'a lum pan̈n Sarón. 'Icha pax te snichte 'ay 'a eb' lum pan̈an, xchi 'ix.

Cantares 2:16

A ni quelm chamc'ojlb'il wuj cha, yic in na, an̈jtona', wic pax na. Sja'l wal stan̈w calnelu ni 'a scal eb' te te 'ay snich.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Cantares 4:3

Caw chac yilx yol a ti' 'icha te chac ch'al, caw nib'jub'tac pax yilxi. A spac'b'il a ti', lajn yilx 'icha yojl chat'axc sat te granado polb'il 'ati, checl a sat chi 'a yojl te nip cha.

Cantares 6:3

An tic, yic in ni quelm cha, an̈jtona wic pax na. Ata tztan̈wj wa ni scalnelu 'a scal eb' te c'ultc 'ay snich, xchi 'ix.

Cantares 7:9

A wal yol a ti', lajn wal schil 'icha yal uva man̈x jantcoc schil tzwab'i, xchi winac. Yuc' cab' ni quelm chi te yal uva, tz'och 'a sti' masnto tzc'och 'a yip ye.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Jeremías 3:20

An Jehová in, an tzwala, to lajn wal xeyutj e b'a 'icha junc 'ix 'ix caw tu tzyutj sb'a 'a yichmil, 'ixta xeyutj e b'a 'ayin.

Os 3:1

'Ix yaln pax Jehová 'ixtc 'ayn an Oseas in tic: A ticnec, chamc'ojlej pax 'ix estzil, wach'xam sb'o 'ix 'ajmulal yet' eb' winc sc'umej. Palta to a 'ix tzwa'ch ch'oxnb'ilal 'a eb' et israelal, wach'xam xya'ch eb' israel snab'en 'a jun tzo'n̈ comn dios, xlaj yi'n 'at eb' te tacn̈ sat uva ofrendail 'a jun tzo'n̈ comn dios cha, palta 'oj in chamc'ojloc pax eb', xchi Dios 'ayin.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

Santiago 2:23

Yuj cha, tz'el'ch tas tzyal 'a Ch'an̈ U'un̈, 'a 'aj tzyal 'ixtic: A Abraham, 'ix ya'ch sc'ojl 'a tas xyal Dios. Yujn̈ej cha, yaln Dios to wach' 'a sat, xchi. An̈jtona', tzyaln pax 'a Ch'an̈ U'un̈, chajtlto a Abraham cha, swach'c'ojl sb'a yet' Dios.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.