Cantares 4:14 - Chuj San Sebastian Bible

¹⁴ 'icha te nardo, te azafrán, te canela, te te su'q'ui sjab', te snun incienso, te mirra, te áloe, yet' smasnil te c'ultc su'q'ui sjab'.

Chuj San Mateo Bible

¹⁴ an̈ nardo, an̈ azafrán yed' juntzan̈ te vale' suc'uq'ui sjab', te' canela yed' masanil macan̈il te' incienso, mirra yed' pax áloes, masanil tastac te vach' yel sjab'.

Cantares 4:14 ပူးပေါင်းရင်းမြစ်များ

Gn 43:11

Xlajw cha, 'ix yaln win mamb'il chi 'ixtic: —Man̈x 'a wach' cutni, b'o cab' 'icha tzeyal cha, 'ixquec. 'Ijec 'at jac siylab' 'a winac, jun tzo'n̈ caw wach', caw chan̈ stojol, a tzeyij 'at 'a, atn bálsamo, no yal chab', perjuma, mirra, nueces, yet' te almendra.

A Ch'an̈ B'ab'el Libro Yic Yab'ixal Eb' Rey 10:10

Xlajw cha, xya'n 'ix 90 quintal q'uen oro 'a win rey cha, caw niwn perjuma xyac' 'ix 'a winac, yet' pax jun tzo'n̈ q'uen q'uen caw wach' yilxi. Man̈x 'a xon jun 'ejmoc xc'och perjuma 'a Israel 'icha wal sb'isl chi siyj 'ix sreinail chon̈b' Sabá chi 'a win rey Salomón.

2 Cr 9:9

Xlajw cha, xya'n can 'ix jun tzo'n̈ tic 'a rey Salomón: jun ciente quintal q'uen oro, caw niwn perjuma, yet' eb' q'uen q'uen yel xo wach' yilxi. Mant 'a jun 'ejmoc 'ix jaw perjuma 'a chon̈b' Israel, 'icha xyac' 'ix sreinail Sabá 'a rey Salomón.

Salmos 45:8

Smasnil a pichul, caw tz'ec' sjab' yet' sperjumail te mirra, te áloe, yet' yic te canela. A son 'aych sch'an̈il a tz'a'n tzaljc'ojlal 'aych 'a atut 'aj tzac' yajlil, jun to nab'a marfil 'aych yelwnub'loc.

Ex 30:23

A 'a scal te 'awb'ente', 'ay jun tzo'n̈ te wach' sjab', molb'tzej lajchwe'oc libra stzatjil te mirra, waque'oc libra te canela yet' pax waque'oc libra te cálamo,

Pr 7:17

Tox xwa'ch perjuma 'a 'a, caw su'q'ui yec' sjab'. A te mirra, te áloe yet' te canela a xwa'ch 'a 'a.

Cantares 1:12

Ya' sb'a wocn 'ejm win rey 'a smexa, ax te nardo tzpucl su'mtacl sjab' te 'ayin.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Cantares 4:6

Ya' sb'a mantzac sacb'eli, 'oj in 'at 'a lum jolm witz 'aj 'ay te mirra, yet' 'a eb' lum tzaln 'aj 'ay te incienso.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Cantares 6:2

A ni quelm cha, 'ix 'at ni 'a 'aj 'ay yawb'ente' 'aj 'ay te su'q'ui yec' sjab', 'ix 'at ni stan̈wc wa scalnelu ta', yic tz'at saync cot ni eb' te nichte'.

Ez 27:19

An̈jtona eb' 'aj Dan yet' eb' 'aj Javán 'a yol yic Uzal, tzwulc' eb' manwjoc 'ayach. A tas tzya'cn eb' stojloc tas tzman cha, atn q'uen hierro wach' yaj sb'o'i, te yalil mirra yet' te canela.

Nm 24:6

Sja'l wal eyilx 'at 'icha spantail te palma, 'icha yilx te 'awb'ente 'a sti a a', 'icha pax yilx te áloe 'awb'il yuj Jehová, mto 'icha yilx te c'ute 'a sti a', 'ixta eyilxi.

Mr 16:1

Yic 'ix 'ec' sc'ul 'iljelal, ax 'ix María Magdalena, 'ix Salomé, yet' 'ix María snun Jacobo, 'ix smann eb' jun tzo'n̈ te su'q'ui sjab', yic tz'at ya'nc 'och eb' 'a sniwnal Jesús.

Jn 19:39

Ax Nicodemo, 'ix c'och pax ta'. Yet' 'oxe arroba jun tzo'n̈ su'q'ui sjab', mirra sb'i, caln yaj yet' junx áloe sb'i. A Nicodemo cha, atn xit'nc 'ec' sc'umc Jesús 'a 'ac'wal.

Apoc 18:13

'Ay pax canela, yet' jun tzo'n̈ xo te su'q'ui sjab' tzc'uxxi, yet' jun tzo'n̈ incienso, mirra, perjuma, yal uva, aceite, 'ixm harina caw wach', yet' trigo. 'Ay no calnelu, 'ay pax no 'ictzum noc', 'ay no chej. 'Ay caruaje, 'ay pax eb' moso man̈ yico'oc sb'a.