Cantares 3:7 - Chuj San Sebastian Bible

⁷ Atn eb' sb'achmal b'ey Salomón, 'ay 60 soldado tza'n 'och yu'uj, atn eb' israel caw jeln 'a owal.

Chuj San Mateo Bible

⁷ Aton b'aj sb'achchajec' vin̈aj Salomón. Oyanoch 60 soldado d'a spatic, aton val juntzan̈ eb' vin̈ soldado te jelan d'a scal eb' israel.

Cantares 3:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:27

Xlajw cha, ax q'uen bronce sb'o Roboam chi sjelc jun tzo'n̈ tzmacn sat jul-lab' to nab'a oro yaj sb'o cha. 'Ix ya'n can 'a eb' scapitan̈il eb' soldado 'aych stan̈malc sti yatut win cha.

A Ch'an̈ Schab'il Libro Yic Yab'ixal Eb' Rey 6:17

'Ix leslwi Eliseo 'ixtic: Tzin tew 'aych Mamin Jehová, to tza jac sat win in checb' tic sec to 'oj yila', xchi. 'Ix sjacn Jehová sat win checb' cha, 'ix yiln winac to a 'a jolmctac witz, oyn cot eb' soldado, 'ay q'ue eb' 'a yib'n̈ chej yet' 'a yol caruaje to nab'a c'ac', oyn 'och eb' 'a Eliseo cha.

Nehemías 4:13

Xlajw cha, xwalni, to a junjn macn̈ eb' yican sb'a, tzmacwj eb' 'a spatc 'el muro 'a 'aj ch'olan yet' a 'aj jacan, tzyi'n eb' yespada, lanza yet' jul-lab'.

Cantares 1:16

Ach quelm to chamc'ojlb'il wu'uj, man̈x jantcoc sja'l elxi, caw wal wach' elxi. Ax qui waynub', caw wal nichtetac yilxi, xchi 'ix.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Cantares 3:8

'Ay yespada eb' smasnil, t'un̈n 'och yespada eb' chi 'a snan̈al, caw wal jeln eb' 'a owl cha; caw lista yaj eb', lemb'il 'ay owl tz'och 'a 'ac'wal.

Cantares 3:9

Ax rey Salomón, xyac' b'o jun sb'achnb'il b'ey 'a te 'a'nte tzcot 'a Líbano.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ B'ab'el Libro Samuel 14:52

Ya' sb'a 'aych Saúl yajlil, caw 'ix yac' owl yet' eb' filisteo si'mb'il. Yuj cha, a yic tzyilni toto 'ay eb' winc caw wal jelan, caw 'ay yip, c'uxn 'ix 'och eb' soldadoil yu'uj.

A Ch'an̈ B'ab'el Libro Samuel 28:2

—Inye. A ticnec mamin rey, 'oj wac' ojcoc 'eli, tastc tztac' wuj an a checb' in tic, xchi David cha. —Toto 'ixta jun, ach tzach wa'ch in tan̈malc 'a jun 'ejmn̈ej, xchi win Aquis cha.

A Ch'an̈ B'ab'el Libro Samuel 8:16

An̈jtona', 'oj yi'cc win ewin e moso, yet' eb' 'ix eya'mal servil, yet' e no e quelm wacx caw wach', yet' e b'uru, ax yoch eb' munljoc 'a winac.