Cantares 2:14 - Chuj San Sebastian Bible

¹⁴ Lajn ach 'icha junc no 'uch tzc'ub'j 'el sb'a 'a sat q'ue'en, 'ixta 'ix otj a c'ub'n 'el a b'a 'ayin, ax ticnec jun, ch'ox wil a sat, tzin nib'n wab' a paxtini. Yujto caw wach' yol a jaj, caw wach' pax elx 'ochi, xchi ni 'ayin, xchi 'ix.

Chuj San Mateo Bible

¹⁴ Ach xajanab'il vuuj, lajan ach icha noc' paramuch sc'ub'ej sb'a d'a sattac q'ueen. Ch'ox a sat vila', lolonan̈ jab'oc vab'i, yujto te vach'tzin a loloni, te vach'pax ilji.

Cantares 2:14 ပူးပေါင်းရင်းမြစ်များ

Job 9:16

Q'uinloc tzcob' wawtc in c'umc in b'a yet' 'a sat junc eb' yajal, ¿tom 'oj scha yab' tas 'oj wala'?

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Salmos 22:3

Ach tic Mamin caw wal wach'chn̈ej, tzach b'inax 'a scal swach' paxti eb' wit israelal yic tzach sb'itnan eb'.

Salmos 45:11

Yujto a win rey tznib'n 'och swach'l elxi. A win ajlil tz'aji, yuj cha, yiclum tzotj a b'a 'a winac.

Salmos 45:12

A eb' 'aj Tiro, 'oj yac' eb' siylab' 'ayach. Ax eb' niwc rico 'a yol chon̈ab', 'oj snib'c eb' 'oj 'och 'a junc'ojlal et'oc.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Salmos 68:13

atn jun tzo'n̈ yechl no 'uch 'u'nc sc'axl yuj q'uen plata yet' q'uen oro. ¿Tas yuj 'ayx ma'ix eyactj eyiln no e calnelu yic tzex 'at eyac' owal? xchi eb' 'ix.

Salmos 74:19

Man̈ ac' sat a c'ojl 'ayn̈ on̈. Yujto an̈ tic on̈, caw c'un on̈ 'icha no cowojte', man̈ on̈ ac' 'a yol sc'ab' eb' 'ajc'ojl lajn 'icha no chiwjum noc'.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Cantares 1:15

Ach cob's 'ix chamc'ojlb'il wu'uj, caw wach' elxi, sja'l wal yilx yol a sat 'icha no 'uch, xchi winac.

Cantares 1:5

Ex 'ix 'aj Jerusalén, an tic q'uic' 'ixl wilxi, palta caw wach' wilx 'ochi. Q'uic' cab' wilx 'icha yilx smantiado eb' 'aj Cedar, palta wach' pax wilx 'icha te cortina 'aych 'a yol yatut Salomón.

Cantares 1:8

Ach cob's 'ix to chamc'ojlb'il wu'uj, yel wach' elx 'a scal eb' 'ix 'ix caw wach' yilxi, toto man̈ ojcoc, 'ochn̈ tza'n yuj yoc e no calnelu cha, axta tza tan̈wj wa e no a cotc chiwo 'a stz'ey spat ewin 'ilm calnelu cha.

Cantares 5:2

Waync in cob'i', palta pitzn pax in nab'en. Ax xwab'ni, x'awj 'och ni quelm chamc'ojlb'il wuj chi 'a smac watut xyaln ni 'ixtic: Ach cob's 'unn chamc'ojlb'il wu'uj, caw wal wach' elx 'icha no 'uch may spaltail; jacn 'och 'a yol atut, yujto caw xlojx 'el xil in jolm yuj chicb'cha'an̈. Caw wal tz'ujlni xil in jolm yuj yal 'ac'wal, xchi ni 'ayin.

Cantares 8:13

Ach cob's chamc'ojlb'il wu'uj, to 'aych 'ec' 'a scal te 'awb'ente', caw tzin nib'j tzwab' a paxtini. An̈jtona eb' qui wach'c'ojol, tznib'j pax eb' yab' a paxtini, xchi winac.

Is 2:21

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Is 60:8

A yic cha, ax eyaln 'ixtic: ¿Mach laj eb' tzjaw 'icha sb'ey 'asn cha, 'icha pax sb'ey e no 'uch tzpax wayc 'a swaynub'? 'oj e chioc.

Jeremías 48:28

E masnil ex 'aj Moab, 'actjec can e chon̈ab', 'ixquec cajn 'a satcq'ue'en, 'icha no 'uch, a 'a sat q'uen chi tzb'o no so'.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Ez 7:16

A eb' 'oj yac' ganar s'atcn 'elc 'a lum jolmctac witz 'icha no 'uch, 'oj c'acwc eb' yab'n syal yuj smul cha.

Dn 9:7

Ach tic Mamin, caw tojl a nab'en. An̈ xo an̈ israel on̈ tic on̈, caw q'uixweltac quec' tzcab' on̈. 'Icha wal eb' cotnc 'a Judá yet' 'a Jerusalén, yet' jun tzo'n̈ xo eb' quit israelal cajn 'a lac'an, yet' 'a caw najat, on̈ a sactzicj can 'ati, yujto 'ix 'och qui tenmtacl 'ayach.

Abdías 1:3

A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Mt 3:16

Ax yic xlajw yajx bautisar Jesús, 'ix q'ue paxt 'a yojl a'. Yajn̈j cha, xjacw satcha'an̈, 'ix yiln Jesús chi yeml Yespíritu Dios, 'ix 'ejm 'a yib'n̈ 'icha junc no parama.

Ef 5:27

'Ixta on̈ yutjec an̈ yiglesia on̈ec, sec caw wach'n̈ec 'a sat, yic 'oj qui c'ochc 'a yojltac. Yuj cha, a wal ta', man̈x 'a qui tu'al, qui maysch'olnilal. Man̈x 'a junc tas 'aych 'a qui pixnec. An̈j wal 'a 'oj ca'c 'och qui nab'en. Man̈x 'a jac qui paltailec ta'.

A Scarta San Pablo D'a Eb' Aj Colosas 1:22

yujto xcham Cristo yet' sniwnal cujec. 'Ixta x'aj schami, sec tzon̈ yijec 'och yico'oc, sec may jac qui mul yet' qui maysch'olnilal 'a sat.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

A Sb'ab'el Carta San Pedro 3:4

Palta a wal e nab'en, a tze chamc'ojlej e b'oni, sec wach' yilx 'a sat Dios. A swach'l cha, may b'a'n̈ tzjuwi. Toto wach' yaj e nab'en, toto 'emmquil yaji, atn chi caw wach' yilx 'a sat Dios, caw niwn yel'ch 'a 'a.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.