Apoc 3:21 - Chuj San Sebastian Bible

²¹ A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.

Chuj San Mateo Bible

²¹ A eb' ol ac'an techajoc, ol vaq'uem c'ojan eb' b'aj ay in despacho, icha ix aj vem c'ojan yed' in Mam b'aj ay sdespacho, yujto vac'nac techajoc.

Apoc 3:21 ပူးပေါင်းရင်းမြစ်များ

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Jn 13:32

Toto tzin ch'oxo to niwn yel'ch Dios, an̈jtona 'oj sch'oxl paxi, to niwn pax wel'chi. Yajn̈ej ax sch'oxn 'eli, to niwn wel'chi.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Apoc 20:4

Ax xwilni, 'ay jun tzo'n̈ despacho. Ata wocn 'ejm jun tzo'n̈ eb' 'ac'b'il yopiso sb'eyc'ojlwi. 'Ix wiln pax spixn jun tzo'n̈ eb' tzuc'b'il 'el sjolom, yujto ya'jnac testigoal sb'a eb' yuj Jesús, yaln pax 'el eb' spaxti Dios. A eb' cha, ma'ix yal sb'a eb' 'a jun noc' sb'i, yet' 'a jun yechel. Ma'ix schaj 'och eb' senyail 'a snan̈l sat mto 'a sc'ab'. Ax xwilni, pitzn eb'. 'Aych eb' yajlil jun mil ab'il yet' Cristo.

Apoc 20:6

Caw wach' yic eb' tzb'ab'l pitzw cha. Yicn̈ej Dios yaj eb'. May spoder jun schab'l chaml 'a yib'n̈ eb'. 'Oj 'ajxc yopiso eb' ya'n 'och sti 'a Dios yet' 'a Cristo. Jun mil ab'il 'oj yac' eb' yajlil yet'oc.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.

Apoc 6:2

Ax xwilni, 'ay jun chej caw sac, 'ay jun 'ay q'ue 'a yib'an̈, yamb'il jun sjul-lab' yu'uj. 'Ix 'ajx pax jun scorona. Xlajw cha, x'ati, x'at ya'nc owal, yuj ya'n ganar si'mb'il.

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.