Apoc 19:8 - Chuj San Sebastian Bible

⁸ yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'. A spichl caw sac cha, tzyal 'el'chi, atn swach'l eb' yic xo Dios.

Chuj San Mateo Bible

⁸ Toxo ix ac'ji yac'och jun pichul te vach'. Te sac, sveei, xchi eb'. (A jun spichul sac chi', syalelc'ochi, a svach'il ix ac'ji d'a eb' yicxo Dios.)

Apoc 19:8 ပူးပေါင်းရင်းမြစ်များ

Salmos 132:9

Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.

Pr 31:22

Mun tzb'o 'ix sc'u tzc'u'ej; a wal pichl caw wach' a tzya'chi, tzb'o 'ix yet' te ch'al púrpura mto lino.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Ez 16:10

'Ix wa'ch jun spichl tz'ib'quintac yilxi, xwa'n 'och xan̈ab', xwa'n 'och sjal-l to b'ob'il a te lino ch'al, caw sera pichl xwac' ya'chi.

Ez 44:17

A yic tz'och eb' 'a 'aj 'ay junx 'amc' 'a yojl 'och cha, yowlal tzya'ch eb' spichl nab'a lino, may cab' junc spichl eb' to lana 'aych yu'uj, yic tzin ya'n servil eb' 'a jun 'amc' cha, mto 'a watut.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Mt 22:12

Yuj cha, xyaln win rey chi 'ixtc 'a 'a: Ach in wach'c'ojol, ¿tas yuj tzach comn jaw 'a jun nupnel tic? 'In man̈oc a pichl yic nupnel 'aych o'oj, xchi win 'a 'a. Palta ton̈j sictac x'aji, ma'ix ta'w xon jab'oc.

Mr 9:3

Caw tzictzni x'aj spichul, caw sac 'icha q'uen sacb'at. May junc ju'm 'a yolyib'n̈q'uinl tic tza'wni sacb'tzan pichl 'ixta'.

Lc 24:4

Caw 'ix sat sc'ojl eb' yilni. Ax 'ix yiln eb', 'ayc' chawn̈ ángel 'icha winc yilxi. Lin̈n 'ec' 'a stz'ey eb', caw tzictzni spichl eb' ángel cha.

A Tas Sc'ulejnac Eb' Schecab' Jesús Hechos 1:10

Q'uelnto q'ue eb' 'a satcha'an̈, 'a 'aj 'ix pax q'ue Jesús. Ax xyiln eb', 'ayx 'ec' chawn̈ ángel 'a stz'ey eb', 'icha winc yilx eb'. Caw sac yilx spichl eb'.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Apoc 15:6

Ata x'elt ucwn̈ ángel. Yet' eb' uque yailal, junjn yet' junjn eb'. 'Aych junjn sac pichl yuj junjn eb', caw tzictzni yilxi. 'Aych junjn cincha nab'a oro 'a sn̈i sc'ojl junjn eb'.

Apoc 19:14

Ax eb' soldado smasnil 'a satcha'an̈, tza'n 'och eb' yu'uj. Caw wach' spichl eb', caw sac. May jac lum 'aych 'a 'a. 'Ay q'ue junjn eb' 'a yib'n̈ schej caw sac.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.