Apoc 12:3 - Chuj San Sebastian Bible

³ Yajn̈j wal cha, xcheclj junx senya 'a satcha'an̈. 'Ay jun niwquil dragón caw chac yilxi. Uque sjolom, lajn̈e sch'a'ac. Ax 'a junjn sjolm cha, 'ay q'ue scorona.

Chuj San Mateo Bible

³ An̈ejtona' d'a jun rato chi', ay junxo yechel ix checlaj d'a satchaan̈ chi'. Ay jun nivan dragón chacchac. Uque' sjolom, lajun̈e' sch'aac. Axo d'a junjun sjolom chi', ayq'ue scorona.

Apoc 12:3 ပူးပေါင်းရင်းမြစ်များ

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Dn 2:41

'Ix eln pax samil yoc yet' yune yoc, chajtlto caln yaj q'uen hierro, yet' lum lum mucb'il 'elt 'a scal c'ac'. A jun cha, tzyal 'el'chi, chamacn̈ yaj jun nacion̈ cha. 'Ay jun macn̈ 'ay tac yip 'icha q'uen hierro, 'icha 'ix otj eln ach tic, to 'ay q'uen hierro chi caln yaj yet' lum lum cha.

Dn 2:42

A yune yoc, 'ix ela to caln yaj q'uen hierro yet' lum lum cha. A jun cha, tzyal 'el'chi to 'ay jun tzo'n̈ nacion̈ 'oj sb'o strato, 'ay nan̈l 'ay yip, 'ay pax nan̈l may yip.

Dn 7:20

An̈jtona xin c'anb'n paxi, tas wal tzyal 'el'ch lajn̈e sch'ac no cha, yet' pax junx sch'ac tot xpac' q'uet cha. 'Ix stenn 'el 'oxe ch'ac chi 'a yet'l 'aj xq'ueli. Yel xo 'ec'b'al yel'ch 'a yib'n̈ jun tzo'n̈ xo yitb'eym cha. A jun sch'ac tot xpac' cha, 'ay yol sat, 'ay pax sti', caw tzb'an̈ sb'a yet' tas tzyala.

Dn 7:24

A lajn̈e sch'ac cha, tzyal 'el'chi, 'ay lajn̈wan̈ eb' rey 'oj yac' yajlil. Ax 'a spatc eb' lajn̈wan̈ cha, ata tza'n sjaw junx rey 'oj yac' yajlil. A jun cha, yel xo chuc yel 'a yib'n̈ jun tzo'n̈ xo eb' rey cha, 'oj satxoc 'el 'oxwn̈ eb' rey chi yu'uj.

Apoc 12:1

Xlajw cha, 'ix checlj jun senya 'a satcha'an̈, caw niwn yel'chi. 'Ay jun 'ix, a c'u a 'aych spichloc. Ax 'uj a 'aych ste'nub'oc yoc, ax pax lajchwe c'anal, a 'ay q'ue scoronaoc.

Apoc 12:13

Ax yic xyiln win dragón cha, chajtlto xjulx can 'ejm 'a sat lu'um, 'ix 'at ya'nc 'och yailal 'a yib'n̈ jun 'ix 'ajnc yune cha.

Apoc 12:17

Yuj cha, xwach' cot wal yowl win dragón chi 'a 'ix, x'at ya'nc win owl yet' jun tzo'n̈ xo eb' yin̈tl 'ix. Atn eb' tzyiclni tas tzyal schecnb'il Dios, eb' te'n tzyutj ya'n 'och snab'en 'a spaxti Jesucristo.

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.

Apoc 12:7

An̈jtona', 'ix 'och jun niwquil owl 'a satcha'an̈. A jun sat ángel Miguel sb'i, yet' eb' yit ángelal, 'ix yac' eb' owl yet' jun dragón cha. Ax jun dragón cha, yet' eb' yángel, xyac' pax eb' owl yet' eb'.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Apoc 13:1

Ax xwilni, xq'uet jun noc' sb'i 'a yojl a mar. Uque sjolom, lajn̈e sch'a'ac. Ax a junjn sch'ac cha, 'ay q'ue scorona. Ax 'a junjn sjolm cha, ata tz'ib'b'il 'och jun sb'i. Caw maysch'olnil jun sb'i chi 'a sat Dios.

Apoc 13:2

A jun noc' sb'i xwil cha, lajn yilx 'icha no tigre. A yoc, lajn 'icha yoc no oso. Ax sti', lajn 'icha sti no león. Ax win dragón cha, 'ix yac' win spoder 'a 'a. 'Ix ya'n 'och win yajlil sjeloc. Til wal yopiso win xyac' 'a 'a.

Apoc 13:4

Caw 'ix yal sb'a eb' 'a win dragón cha, yujto til wal spoder win xyac' 'a jun noc' sb'i cha. 'Ix yaln pax sb'a eb' 'a jun noc' sb'i cha, 'ix laj yalnc eb' 'ixtic: —Toc 'ay wal junc xo tza'wni 'a jun noc' sb'i tic. ¿Tom 'ay junc tztac' ya'n owl yet'oc? xchi eb'.

Apoc 15:1

Xlajw cha, xwiln junx senya 'a satcha'an̈, caw niwn yel'chi. Xcaw sat in c'ojl wilni. 'Ay ucwn̈ ángel yet' eb' uque slajb' yailal. Yuj uque yailal cha, 'oj tz'acwc 'el'ch smasnil yowl sc'ojl Dios.

Apoc 16:13

Ax xwilni, 'ayc' win dragón, yet' jun noc' sb'i, yet' jun xcob' yalch sb'a schecb'oc Dios. A 'a sti junjn eb', ata x'elt junjn demonio. 'Icha yilx no pajtza', 'ixta junjn eb' demonio chi yoxwn̈il.

Apoc 17:12

Ax lajn̈e sch'ac jun noc' sb'i cha, tzyal 'el'chi, lajn̈wan̈ niwc yajl mantzac yac' yajlil. Palta 'oj 'ajxc yopiso eb' yet' jun noc' sb'i cha, jab' wal tiempo 'oj yac' eb' yajlil yet'oc.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.

Apoc 17:7

Yuj cha, xyaln jun ángel chi 'ayn 'ixtic: —¿Tas yuj tzcaw sat a c'ojl eln jun tic? 'Oj wal 'ayach, tas tzyal 'el'ch jun 'ix tic, yet' jun noc' sb'i uque sjolm tic, lajn̈e pax sch'a'ac.

Apoc 19:12

Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.