Apoc 11:7 - Chuj San Sebastian Bible

⁷ Palta ax 'a yic 'oj lajwc yaln 'el eb' spaxti Dios, 'ay jun noc' sb'i caw ow, q'uenc wul 'a yol jun xab' olan. 'Oj 'at jucn̈joc yac' owl yet' eb'. Ax ya'n ganar smiln cham eb'.

Chuj San Mateo Bible

⁷ Palta ayic ol lajvoc yalanel slolonel Dios eb', a jun Noc' sb'i, aton jun ol q'ueul d'a yol jun xab' olan, a' ol b'at jucnaj d'a eb', ol yac'an oval yed' eb'. Ol yal yuj jun Noc' sb'i chi' smilancham eb'.

Apoc 11:7 ပူးပေါင်းရင်းမြစ်များ

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Lc 13:32

Palta xyaln 'a ewin 'ixtic: —A jun cha, lajn 'icha junc wa'ax, may jac yel'chi. 'At alc 'ixtc 'a 'a: 'Ab'i, a ticnec yet' q'uic'an, tzwij 'el ewin demonio 'a eb' 'anma', tzwa'n pax b'oxc sc'ojl eb' ya'ay, ax chab'ej, ax swach' b'o in munljel tic, xchi Jesús, xe chi 'a winac.

Lc 8:31

Ax ewin demonio cha, 'ix tew 'och ewin 'a Jesús, to matz 'ajx 'at ewin 'a lum xab' olan.

Jn 17:4

A yic 'ayn 'ec' 'a yolyib'n̈q'uinl tic, xin ch'oxo, to caw niwn el'chi. A jun munljel tic 'ac'b'il can 'ayn o'oj, 'ix b'o 'el'ch wu'uj.

Jn 19:30

'Ix stz'ub'ni. Xlajwn̈ej cha, 'ix yaln 'ixtic: —Tox 'ix b'o 'el'ch smasnil, xchi. Xlajw xoj cha, 'ix 'em n̈ojnjoc, 'ix chami.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

2 Ti 4:7

'Icha junc mach caw tzyac' 'ip 'a junc tajnel, 'ixta xwutj in b'a in munlj 'a yic Dios. A ticnec xwac' ganar slajw wopiso 'a swach'il. Smasnil tiempo, caw xin ya'ilj jun tzo'n̈ cuynb'il 'aj 'aych qui c'ojol.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Apoc 12:17

Yuj cha, xwach' cot wal yowl win dragón chi 'a 'ix, x'at ya'nc win owl yet' jun tzo'n̈ xo eb' yin̈tl 'ix. Atn eb' tzyiclni tas tzyal schecnb'il Dios, eb' te'n tzyutj ya'n 'och snab'en 'a spaxti Jesucristo.

Apoc 13:11

Xlajw cha, xwiln paxi, 'ay junx schab'l noc' sb'i, 'ix q'uet 'a yol lu'um. A jun cha, chab' sch'a'ac, lajn 'icha sch'ac junc no calnelu. Palta lajn spaxtin 'icha junc dragón.

Apoc 13:7

An̈jtona', 'ix 'ajx pax spermiso ya'n owl yet' eb' yic xo Dios, masnto xyac' ganar scan eb' 'a yaln̈ yu'uj. 'Ix 'ajx yopiso ya'n yajlil 'a yib'n̈ smasnil 'anma 'a junjn chon̈ab', 'a junjn nacion̈. Toxn̈ej chucch 'in̈tal eb', toxn̈ej chucchc til tzyal eb', c'uxn 'ix 'ajx mandar eb' yu'uj.