Am 9:13 - Chuj San Sebastian Bible

¹³ Tzyaln pax Jehová 'ixtic: 'Ay jun tiempoal 'oj jawoc, mantzac lajw spolx chan̈ 'ixm trigo ax sjaw pax stiempoal yawx 'ixm jun 'ejm xo. Mantzac lajw ste'x 'el yalil te uva, ax yawx pax 'ixm trigo. Ax 'a eb' lum jolmctac witz, yet' 'a eb' lum tzalctac, man̈x jantcoc yal uva 'oj yac'a', 'oj b'ey yoctc 'icha a a',

Chuj San Mateo Bible

¹³ Syalxi Jehová: Ol javoc stiempoal ayic manto lajvi sjochchaj ixim trigo, ol c'och pax stiempoal sd'occhajxi luum yic tz'avchaj ixim junelxo. Manto lajvi stec'chajel yal sat te' uva, tz'ochxi avoj trigo junelxo. Axo d'a jolomtac vitz yed' d'a tzalquixtac, ol ste aq'uej sat te' uva, ol b'ey yal sat te' icha sjaj a a',

Am 9:13 ပူးပေါင်းရင်းမြစ်များ

Gn 49:11

A mach tzpixn 'och sb'uru 'a jun 'ib'c te uva, yet' mach tzju'n 'el spichl yet' yalil te uva cha,

Salmos 97:5

A eb' lum niwc witz, ton̈j tz'ulb'x 'ejm eb' lum 'a yojltac Jehová, atn syajlil smasnil yolyib'n̈q'uinal. 'Icha yulb'x no chab'ic', 'ixta tz'aj eb' lum yu'uj.

Is 16:10

A tzaljc'ojlal yet' 'el-l 'aw 'oj sat 'ejmi. Man̈x 'a mach 'oj 'el yaw mto 'oj b'itnoc 'a scal te 'awb'en uva cha, man̈x 'a pax mach 'oj ste'l yal uva 'a ste'lab'. Smasnil 'aw cha, 'oj sat 'ejmi.

Is 55:13

A lum lum 'aj 'ay te q'ui'ix, a te c'u'taj 'oj q'uib'x 'a sat lum sjelc te'. Ax lum lum 'aj 'ay eb' te pechac, a te arrayán 'oj q'uib' sjelc te', atn jun tic 'oj in b'o an Jehová in, yuj yi'nb'ilc chan̈ in b'i, to 'oj in nax cot yuj 'a smasnil tiempo, xchi Dios.

Ez 28:26

Caw tzaljc'ojlal 'oj canx eb' 'a yol schon̈ab', may tas 'oj sna eb'. 'Oj sb'ox chan̈ eb' yatut, ax laj ya'nc pax 'ejm eb' yawb'ente'. An 'oj wa'ch syailal smasnil eb' tzchichn 'och 'a eb', ax yojcan 'el eb' to an Jehová in, sDiosal in eb', xchi 'ayin.

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.

Jl 2:24

Caw wal wach' 'oj 'ajx 'ixm trigo, niwn yal uva yet' aceite 'oj yac'a.

Jl 3:18

A 'a yic jun tiempoal cha, caw 'oj b'ut'joc 'el eb' lum jolmctac witz yuj te uva, ax eb' lum tzalctac, 'oj b'ut'joc 'el eb' lum yuj e no wacax. A wal eb' a spac'b'a 'ay 'a Judá, caw 'oj b'ey yoctc eb' a'. Ax 'a yol watut, ata 'oj pac' q'uet jun a a 'oj pucb't 'a span̈nil lum Sitim.

Jl 3:20

An 'oj in pactzoc xchamlil eb'. Man̈x 'oj wac' niwnc'ojlal 'a eb' x'och smul cha. Palta ax eb' 'aj Judá yet' eb' 'aj Jerusalén, 'oj canx cajn eb' 'a schon̈ab'. An xo an Jehová in tic, 'oj in cann̈j cajn 'a tzaln Sión, xchi Dios.

Lv 26:5

An̈j 'ijnoc e te'w trigo ax yelx wul sat te uva. 'Ayt pax sch'inchj te uva cha, ax sjapx stiempoal yawx e trigo jun 'ejm xo, 'oj e wa si'mb'il, masnto 'oj e b'ut'ji. Caw wal 'oj eyac' tzaljoc e c'ojl 'a sat lum lum cha.

Am 9:5

A Jehová Cajlil tztac' yuj smasnil, a yic tz'och yamn 'a lum lum tic, yajn̈ej tz'ulb'x 'ejm lu'um, ax eb' cajn 'a sat lu'um, caw tz'oc' eb'. Tzq'ue wan lum 'a cha'an̈, tz'ejm paxi, 'icha tzyac' a Nilo, tzq'ue wa'an, tz'ejm pax a'.

Jn 4:35

Ax tic, tzeyal 'ixtic: Chan̈e to 'uj sjaw stiempoal jach'oj, xe chi. Palta an tzwal 'ayex: 'Iltec, tox 'ix jaw stiempoal jach'oj. Palta wan waln yuj eb' tot 'oj in chani.

Jueces 5:5

Caw x'ib'x eb' lum witz 'a ojltac Mamin Jehová. A wal lum witz Sinaí, caw wal x'ib'x lum 'a ojltac, ach qui Diosal an̈ israel on̈ tic on̈.