Am 9:10 - Chuj San Sebastian Bible

¹⁰ Palta smasnil eb' maysch'olnil 'a scal eb' in chon̈b' tic, 'oj tzu'xoc cham eb' yet' q'uen espada, atn smasnil eb' tzaln 'ixtic: A jun tzo'n̈ yailal cha, ma'oj jawc 'a quib'n̈ec, ma'oj qui yamchj yu'uj, xchi cob' eb', xchi Dios.

Chuj San Mateo Bible

¹⁰ Masanil eb' chuc d'a in chon̈ab' tic, ol xicjoccham eb' d'a q'uen espada, aton eb' tz'alan icha tic: A juntzan̈ yaelal chi', man̈ ol jalaj d'a quib'an̈, man̈ ol on̈ yamchaj yuuj, xchi eb', xchi Jehová chi'.

Am 9:10 ပူးပေါင်းရင်းမြစ်များ

Salmos 10:11

Tznan eb' maysch'olnil chi 'ixtic: Satnc sc'ojl Dios 'ayon̈, chuc 'aj q'ueln 'ati, matz on̈ yil xon jab'oc, xchi eb'.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Is 5:19

Tzcob' yal eb' 'ixtic: A qui Diosal an̈ israel on̈ tic, atn jun Dios Cojxni, comnoc yajn̈ej tzb'on tas 'icha tzna 'a quib'n̈ec, xchi cob' eb'.

Is 56:12

Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 23:17

A eb' may yel'ch in paxti 'a sat, tzyal eb' 'ixtic: A Jehová tzalni to wach'n̈j 'oj eyaj 'el'chi, ma'oj jawc yailal 'a eyib'an̈, xchi cob' eb' 'a eb' tzyac' pitb'oc 'el snab'en, yic tzb'on eb' tas tznib'j sb'o 'a yol yico'.

Ez 20:38

'Oj wic' 'elt eb' maysch'olnil snab'en 'a e cal, yet' eb' x'och 'ajc'ojlal 'ayin, 'oj wic' 'elt eb' 'a e cal 'a lum chuc chon̈b'al 'aj 'ayx 'ec' cha; palta man̈x 'oj 'och eb' 'a lum slum eb' yit israelal cha. Ax in eyojcan 'eli, to an Jehová in, cojn in ton Dios in.

Am 6:1

Ex syajlil Sión yet' ex syajlil Samaria, mayn̈j tas tze na'a yujto cojxn̈ej e nacion̈ 'ay yel'ch eyalni. Smasnil eb' eyit chon̈ab', tzlaj yic' 'ejm sb'a eb' 'ayex, palta caw 'oltac ex, yujto 'ay tas 'oj jawc 'a eyib'an̈.

Am 6:3

Ax tic matz e na wal jab'oc, toto wan sjaw jun c'u yic yailal. Palta yuj tas tze b'o'o, yuj cha, tzla'nb'i e q'uinal.

Am 9:8

A Jehová tz'iln jun nacion̈ tic yet' sreyal, to caw maysch'olnil eb', yuj cha, tzyaln 'ixtic: 'Oj in satl jun nacion̈ tic, palta an Jehová in, an tzwala, to ma'oj in satl smasnil eb' yin̈tl Jacob tic 'a jun 'ejmn̈ej.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Malaquías 3:15

'In tzquilc wal an̈ec tic, to a eb' tzb'an̈ sb'a, tzaljc'ojlal yaj eb'. 'Ixta pax eb' maysch'olnil tas tzb'o'o, caw wach'n̈j tz'el'ch eb'. 'Intax eb' tzte'wtzej sb'a 'a sat Dios, may yailal tzjaw 'a yib'n̈ eb', xe chi, xchi Dios.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.