Am 7:17 - Chuj San Sebastian Bible

¹⁷ Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Chuj San Mateo Bible

¹⁷ Yuj chi' a juntzan̈ tic syal Jehová d'ayach: D'a yichan̈ chon̈ab' ol och ix etb'eyum d'a ajmul ixal. A eb' vin̈ uninal yed' eb' ix isilal, ol xicjoccham eb'. Ol pojchajcanec' a luum. Axo d'a slum eb' ch'oc chon̈ab'il ol ach chamoc, axo eb' quetisraelal, najatto ol ic'chajcanb'at eb' preso, xchi Jehová, xin chi.

Am 7:17 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:6

Ax yic sb'aln̈il xo ab'il yoch Oseas reyal, 'ix 'ajx ganar chon̈b' Samaria chi yuj eb' soldado Asiria. Xlajw cha, 'ix 'ijx 'at eb' israel 'a chon̈b' Asiria yu'uj. Xya'n pural win scan cajn eb' 'a chon̈b' Halah 'a yol yic Habor 'a sti a a yic Gozán, yet' 'a jun tzo'n̈ xo chuc chon̈b'al 'a yol yic eb' Medo.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

Is 13:16

Q'ueln 'och wal eb', ax sma'x cham yunnal eb' 'a sat lu'um. 'Oj 'ijxoc 'elt yol yatut eb' smasnil, ax yixtx can yistzil eb'.

Is 22:18

'oj ach in julcn 'at c'olc'noc 'icha junc pelota, caw najt 'oj a 'ati, ata 'oj a c'ochcn 'a jun lum lum caw lewn sat. Ata 'oj a chami, ax yoch wan jun tzo'n̈ caruaje tz'i'n chan̈ a b'inab'ilal, caw 'oj ac' sq'uixwloc eb' et munljuml 'ayc' 'a yatut win ajlil.

Jeremías 14:16

An̈jtona eb' 'anma 'aj tzyal eb' jun tzo'n̈ cha, 'oj cham eb' yuj owal, yet' yuj wejel, 'oj cham pax yistzil eb', yunnal eb', yet' pax yisl eb'. T'ocquixtac xoj 'oj 'ajcn sniwnal eb' 'a yol scayeal chon̈b' Jerusalén. Man̈x 'a mach 'oj mucnc eb'. 'Ixta wal 'oj yutc eb' stupn lajwc smul wu'uj.

Jeremías 20:6

Ach wal ach tic Pasur, 'oj ejx 'at 'icha presoal 'a Babilonia yet' smasnil eb' cajn et' 'a yol atut. Ata 'oj a chami, ata 'oj a mucx yet' smasnil eb' a wach'c'ojl cha, atn eb' 'aj xalcn 'el jun tzo'n̈ 'es paxti', xchi Dios, xin chi 'a winac.

Jeremías 28:12

A yic tox 'ix 'ec' jun tiempoal 'a yic sma'n wecchjoc Hananías te yugo yijnac 'el 'a in jaj, 'ix yaln pax Jehová 'ayn 'ixtic:

Jeremías 28:16

Yuj cha, 'ix yal Jehová 'aych 'ixtic: 'Oj ach wi'l 'a sat lum lum tic. A 'a jun ab'il tic 'oj a chami. Yuj jun tzo'n̈ a paxti 'ix ala, yuj cha, 'ix 'och eb' chon̈b' tic tenmtacl 'ayin, xchi Dios, xin chi 'a 'a.

Jeremías 29:21

An Jehová in, tztac' wuj smasnil, e Diosal in paxi, tzwal yuj win Acab yunnal Colaías, yet' pax yuj Sedequías yunnal Maasías, atn eb' tzaln 'el jun tzo'n̈ 'es paxti 'a in b'i: 'Oj wac' milxoc cham eb' yuj Nabucodonosor cha. Q'ueln ex 'och wal 'ax tic, ax smiln cham win eb'.

Lm 5:11

A wal 'a chon̈b' Sión yet' 'a jun tzo'n̈ xo chon̈b' 'ay 'a Judá, caw tz'ixtx eb' 'ix 'ix yet' pax eb' 'ix cob'stac 'ix yuj ewin winac.

Ez 4:13

Xlajw cha, xyaln pax Jehová 'ayn 'ixtic: A jun tzo'n̈ 'oj a c'ux cha, caw man̈ wach'c eb' 'a sat ley, palta 'oj a c'uxu', yic tza ch'oxn 'eli, to 'ixta tas 'oj sc'ux eb' et israelal yic 'oj in pechnc can 'at eb' 'a yol slugar jun tzo'n̈ xo nacion̈, xchi 'ayin.

Os 9:3

Man̈x 'oj stac' eya'jc 'a schon̈b' Jehová. 'Oj e 'atx can 'a Egipto. A 'a chon̈b' Asiria, ata 'oj e c'ux tas man̈ wach'c 'icha yaln ley.

Am 6:7

Ax tic, 'oj e b'ab'l 'ijx 'at 'icha presoal 'a jun tzo'n̈ chuc chon̈b'al. 'Oj sat 'ejm jun tzo'n̈ e q'uin̈ 'aj tzlaj ex b'uylji cha.

Am 7:11

Tz'ec' yal-l win 'a qui calc 'ixtic: 'Oj cham Jeroboam yuj q'uen espada, ax yijx can 'at smasnil eb' quit israelal 'icha presoal 'a chuc chon̈b'al, xchi Amós cha, xchi Amasías.

Am 8:1

Atn jun tic sch'ox Jehová 'ayin: 'Ay jun xuc sat 'awb'ente caw 'e'm xo.

Am 9:1

Ax xwilni 'ayc' Jehová 'a stz'ey jun yet'l xajmb'al, 'ix yaln 'ayn 'ixtic: Mac' wecchjoc jun tzo'n̈ yoyl watut tic, masnto tz'ib'x sjolm yoyl cha, ax yem lan̈njoc 'a yib'n̈ eb' 'anma'. Toto 'ayt eb' ma'oj chamoc, ax yet' q'uen espada 'oj wac' milxoc cham eb', wach'xam 'oj 'at eb' 'elc yalni, palta may junc mach 'oj colchjoc can 'eli.

Am 9:8

A Jehová tz'iln jun nacion̈ tic yet' sreyal, to caw maysch'olnil eb', yuj cha, tzyaln 'ixtic: 'Oj in satl jun nacion̈ tic, palta an Jehová in, an tzwala, to ma'oj in satl smasnil eb' yin̈tl Jacob tic 'a jun 'ejmn̈ej.

Miqueas 1:16

Joxc 'el xil e jolm yuj cusc'ojlal. Chact'irnac cab' tz'ajcn e jolm chi 'icha wal sjolm no xulem, atn yuj eb' eyunnal to caw wal 'ay e chamc'ojlal 'a 'a, yujto 'oj 'ijxoc 'at eb' 'icha presoal, xchi Dios.

Zacarías 14:2

A 'a yic jun c'ul cha, 'oj yac' Jehová syam sb'a smasnil nacion̈, yic tzya'n eb' owl yet' Jerusalén. Ax yajx ganar yuj eb'. 'Oj 'ijxoc 'elt smasnil tas 'ay 'a yol yatut eb' cajn 'a Jerusalén cha, ax yixtx eb' 'ix 'ix yuj ewin 'ajc'ojl cha. 'Oj 'ijxoc 'at spacloc eb' 'aj chon̈b' chi 'a 'icha presoal. Jaywn̈ xoj eb' 'oj canoc.