Am 6:4 - Chuj San Sebastian Bible

⁴ Man̈x jantcoc swach'l yilx 'aj tzex 'em wocn e wa'i. Niwn tas tzb'o e c'uxu' yic tze chin no cotc quelmtac calnelu, yet' no quelmtac wacx to caw wal b'aq'uech.

Chuj San Mateo Bible

⁴ A ex tic, a b'aj tzex em tz'eyan e va'i, yelxo te vach' yilji. Nivan vael tzeyac'a' ayic tze chi'an noc' yunetac calnel yed' noc' quelemtac vacax b'aq'uech.

Am 6:4 ပူးပေါင်းရင်းမြစ်များ

Gn 37:25

Xlajw cha, x'em wocn eb' swa'i. Ya' sb'a cha, xyiln eb' scot jun tzo'n̈ eb' ismaelita xcot 'a Galaad, 'ay perjuma, bálsamo yet' mirra 'aych 'a yib'n̈ scameyo ewinac, yic tz'at schon̈c eb' 'a Egipto.

Ester 1:6

A jun 'amc' cha, wach'x yaj sb'o yet' jun tzo'n̈ te nip wach' yilxi, te sac yet' te q'uic'mucnac. Ax te púrpura 'aych sch'an̈loc, locb'il chan̈ te yuj jun tzo'n̈ sloclab'il nab'a plata. Ax yoyl yamjnac cha'an̈, nab'a mármol yaj sb'o'i. An̈jtona pax xilail, 'aych pax oro yet' plata 'a 'a. Ax 'a sat jun 'amc' cha, latz'b'il 'ejm q'uen q'uen man̈x jantcoc swach'l yilxi, atn q'uen mármol, q'uen alabastro yet' q'uen jacinto.

Salmos 73:7

Jab'xoj checl yol sat eb' yuj sb'a'chil, yel xo wal niwn smaysch'olnilal eb'.

Is 22:13

A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Is 28:1

'Oltac wal Samaria, niwquil chon̈b' yaj 'a sat eb' 'u'm 'an̈ 'a yol yic Efraín, yelwnub'l jun niwn 'a'lic caw wach' yilx 'a Samaria cha. Ax ticnec, lajn xoj 'icha junc corona cob' nichtetac yilxi, palta tacn̈ xo, yujto a jun chon̈b'al eb' 'anma tic to cojn 'u'l 'an̈ tzc'an eb' yila'.

Jeremías 16:8

An̈jtona', man̈ ach 'och 'a yol junc n̈a 'a 'aj 'aych junc q'uin̈, yic tzach 'em wocn a wa'i, mto tzo'n tas tzoq'uej.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Ez 23:41

Xlajw cha, x'em wocn eb' 'ix 'a sti sch'at, wach'x pax yaj sb'o jun te mexa yet' tas tzc'uxxi. A 'a sat mexa cha, ata xyac' 'ejm eb' 'ix jun incienso yet' jun aceite to wic yaji.

Am 3:12

A Jehová a tzaln 'ixtic: A jaywn̈ocx eb' 'aj Samaria 'oj colchjoc, cojxn jac sc'axpil xila, mto sc'axpil sch'at eb' 'oj yic' ax s'at eb' 'eloc. Lajn 'oj 'aj eb' 'icha tzyutj junc 'ilm calnelu scoln 'el chab'oc yoc mto jac sti schicn no calnelu 'a sti no león, xchi.

Am 8:3

A wal yic 'oj wa'nc 'och syailal 'a jun c'ul cha, a b'it tz'och xon 'a yol yatut Dios, a 'oj meltzjoc 'och 'a 'o'lal. Caw niwn 'anma 'oj chamoc. T'occtac xoj 'oj 'ajcn sniwnal eb', ax scan jun lugar tic 'a sictaquil, xchi Jehová.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Lc 16:19

A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Santiago 5:5

Caw wach' tzex 'ec' 'a yolyib'n̈q'uinl tic, caw b'ut'nn̈ej yol eyatut yet' jantcn̈ej tas. Toxn̈ej tz'ixtx eyu'uj. 'Icha junc wacx tz'ajx servil caw b'aq'uech, ax smilxi, 'ixta 'ex. Ton̈j tzeyac' e gana jab'oc.