Am 5:22 - Chuj San Sebastian Bible

²² Matz in nib'j jun tzo'n̈ e xajmb'al tzeyac' 'ayin, yic cob' tzin eyi'n chan̈ eyalni. Matz in nib'j pax 'ixm trigo tzeyac' eyofrendaoc. Matz in chaj pax no quelmtac wacx caw b'a'ch tzeyac' xajmb'al-l 'ayn yic junc'ojlal.

Chuj San Mateo Bible

²² Malaj in gana d'a e silab' tzeyac' d'ayin yuj in eyic'anchaan̈, malaj in gana d'a ixim trigo tzeyac' eyofrendaoc. Max in chapax noc' vacax b'aq'uech tzeyac' silab'il d'ayin yuj e junc'olal ved'oc eyalani.

Am 5:22 ပူးပေါင်းရင်းမြစ်များ

Salmos 116:17

'Oj wac' in xajmb'al 'a Jehová yic alj yuj diosal, yic tzwaln in b'a 'a 'a.

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Is 1:11

'Ix yal Jehová 'ixtic: A jun tzo'n̈ e xajmb'al tzjaw ch'ucn 'a wojltac, man̈x 'a tz'och wu'uj. 'Ix q'ue syoch'l no calnelu tzeyac' xajmb'al-l 'ayin, yet' xepual no noc' caw b'aq'uech. Man̈xtzac in nib'j schic'l no quelm wacax mto yic no mam calnelu yet' yic no chiwo.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Jeremías 6:20

Ex in chon̈ab', ¿tas to yuj tzeyij cot incienso yic chon̈b' Sabá 'ayin, yet' jun tzo'n̈ xo te c'ultc caw su'q'ui sjab' tzcot 'a jun tzo'n̈ nacion̈ 'ay 'a caw najat? A jun tzo'n̈ e xajmb'al tzeyac' tz'a'oc, caw man̈xtzac schaj in c'ojol, yet' jun tzo'n̈ xo xajmb'al tzeyac'a, xin chi, xchi Dios.

Jeremías 7:21

A Jehová jun tztac' yuj smasnil, atn sDiosal Israel, a 'ix aln 'a eb' schon̈b' 'ixtic: 'A'c e nab'en e chin no xajmb'al tzeyac' tz'aoc, yet' jun tzo'n̈ xo xajmb'al.

Lv 7:11

Atn wal jun in checnb'il tic, yuj tas tz'aj yajx no xajmb'al yic junc'ojlal tz'ajx 'a wojltac an Jehová in:

Am 5:23

Najt tzex 'el 'a in tz'ey, 'a yic tzq'ue eyaw e b'itni, man̈xtzac in nib'j tzwab' sjaj eyarpa.

Malaquías 1:9

Tzyal eb' 'anma 'ayx 'ixtic: Ex ya'mal 'och qui ti 'a Dios, c'anc wal 'a Dios chi cu'uj, sec 'oj 'o'ch sc'ojl 'ayn̈ec, xchi eb'. Palta an Jehová in, tztac' wuj smasnil, an tzwala: Toto a jun tzo'n̈ tas xwal tic, a 'oj eya'n̈j eyofrendaoc 'ayin, ma'oj in tzalj in chan 'ayex.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.