Am 5:16 - Chuj San Sebastian Bible

¹⁶ A Jehová Dios tztac' yuj smasnil, a tzaln 'ixtic: A 'a smasnil yoltc chon̈ab', caw 'oj 'och cuslal, ax yoch 'aw 'a yol caye yuj yailal. 'Oj 'awtxoc cot eb' munljum, sec tzjaw eb' 'oc'oc yet' eb' yopiso xon yaj 'a jun 'o'l cha.

Chuj San Mateo Bible

¹⁶ A Jehová Yajal d'a Smasanil tz'alan icha tic: Ol och cusc'olal d'a masanil b'ajtac smolb'ej sb'a anima. A d'a masanil yoltac calle ol och av yic yaelal, ol avtaj eb' munlajvum yic tzul oc' eb' yed' eb' yopisio taxon yoq'ui.

Am 5:16 ပူးပေါင်းရင်းမြစ်များ

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

Is 15:8

'Oj 'ab'xoc yel yaw eb' 'anma chi 'a smasnil 'aj tzlajw c'och smon̈jonal Moab. 'Oj c'och yel yaw eb' yuj syailal chi 'a chon̈b' Eglaim, masnto 'oj c'och yab'x 'a Beer-elim.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Jeremías 30:5

'Ix yaln 'ixtic: Caw tz'ab'x yel 'aw yuj xiwc'ojlal, man̈x 'a jac tzaljc'ojlal.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Jeremías 9:16

Ax wa'n sactzic can 'at eb' 'a scal jun tzo'n̈ nacion̈ to man̈ 'ojcab'ilc yuj eb', man̈ 'ojc'ab'ilc pax yuj smam yichm eb'. Ax wa'n pechxoc b'eyc'oc eb' yet' q'uen espada, masnto 'oj satl eb' smasnil, xchi Dios.

Os 4:3

Yuj cha, caw wal cusltac 'oj 'ajcn slum jun nacion̈ tic. 'Oj laj 'el yip eb' 'anma cajn 'a 'a. 'Oj laj cham no calte'al noc', no ch'ic, yet' smasnil e no chay 'ay 'a yojl a mar.

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

Jl 1:8

'O'n̈ec 'icha junc 'ix cob's 'ix tz'oc' yuj schamlil win winc xyac' sti snupn yet' 'ix, tzya'n 'och 'ix spichl yic cusc'ojlal.

Am 3:13

A Jehová Dios tztac' yuj smasnil, a tzaln 'ixtic: 'Ab'c ax tic, tzlajw cha, tzeyaln 'el 'a eb' yin̈tl Jacob:

Am 5:27

Yujto xe b'eylb'ej sb'eyb'al eb' cha, yuj cha, 'oj ex wa'cn 'at 'icha presoal 'a spatquil 'at Damasco. 'Ixta wal tzwutj waln an Jehová in b'i tic, tztac' wuj smasnil, xchi Dios.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Am 8:3

A wal yic 'oj wa'nc 'och syailal 'a jun c'ul cha, a b'it tz'och xon 'a yol yatut Dios, a 'oj meltzjoc 'och 'a 'o'lal. Caw niwn 'anma 'oj chamoc. T'occtac xoj 'oj 'ajcn sniwnal eb', ax scan jun lugar tic 'a sictaquil, xchi Jehová.

Miqueas 1:8

Yuj wal cha, tzin 'oc' si'mb'il yuj cusc'ojlal; jitn in 'eli, may in xan̈b' 'aychi tzin 'eq'ui. Xoj yel waw 'icha junc no 'oques, mto 'icha junc no cujub'.

Miqueas 2:4

A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.