A Tas Sc'ulejnac Eb' Schecab' Jesús Hechos 9:42 - Chuj San Sebastian Bible

⁴² Ax eb' 'aj Jope cha, c'uxn xyab' eb' speclal jun cha. Yuj cha, til wal eb' xya'ch sc'ojl 'a Cajlil.

Chuj San Mateo Bible

⁴² Axo eb' aj Jope chi', ix laj yab' specal jun chi' eb'. Yuj chi' tzijtum eb' ix ac'anoch Cajal Jesús d'a sc'ool.

A Tas Sc'ulejnac Eb' Schecab' Jesús Hechos 9:42 ပူးပေါင်းရင်းမြစ်များ

2 Cr 2:16

Ya' sb'a cha, 'oj wal 'a eb' in munljum tic to axn tzu'l eb' te te chi 'a Líbano, jantcn̈ej te 'oj 'och yopiso o'oj. 'Oj sjal eb' te', ax ya'n 'och eb' 'a yib'n̈ a mar, masnto 'oj c'och te 'a chon̈b' Jope. Ax eb' a munljum chi 'oj 'i'nc q'ue te 'a Jerusalén, xchi Hiram sreyl Tiro 'a Salomón.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Jn 11:4

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.

Jn 11:45

Ax eb' israel chi ajun yet' 'ix María cha, 'ix yiln eb' tas 'ix b'o yuj Jesús. Yuj cha, til wal eb' xya'ch sc'ojl 'a 'a.

Jn 12:44

Ax Jesús, caw 'ip xyal 'elt 'ixtc 'a scal eb' 'anma': —A eb' tzya'ch sc'ojl 'ayin, man̈ocn̈ej 'ayn tzya'ch eb' sc'ojol, tzya'ch pax eb' sc'ojl 'a in Mam checjnacn coti.

A Tas Sc'ulejnac Eb' Schecab' Jesús Hechos 10:5

A ticnec, checb't jaywn̈oc winc 'a chon̈b' Jope, 'at yi' cab' cot eb' win Simón, tzcuch pax Pedro.

A Tas Sc'ulejnac Eb' Schecab' Jesús Hechos 10:8

Jantcn̈ej tas 'ix yal jun ángel cha, c'uxn xyalx win 'a eb'. Xlajw xoj cha, 'ix checn 'at win eb' 'a chon̈b' Jope.

A Tas Sc'ulejnac Eb' Schecab' Jesús Hechos 11:13

'Ix yaln win 'ayn̈ on̈, chajtlto 'ix yil win jun ángel 'a yol yatut, lin̈n 'eq'ui. 'Ix yaln ab' 'a win 'ixtic: Checb't jaywn̈oc a checb' 'a chon̈b' Jope, 'at yi' cab' cot eb' Simón, tzcuch pax Pedro.

A Tas Sc'ulejnac Eb' Schecab' Jesús Hechos 11:21

Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.

A Tas Sc'ulejnac Eb' Schecab' Jesús Hechos 11:5

—'Ayn 'ec' 'a chon̈b' Jope. Ax 'a jun c'u, yic wan in leslwi, 'icha waychil x'aj wiln yeml jun 'icha niwquil sac nip 'a satcha'an̈. T'un̈b'il chan̈ yisquinyoal schan̈il, 'ix 'eml 'a 'aj 'ayin.

A Tas Sc'ulejnac Eb' Schecab' Jesús Hechos 9:35

Ax eb' 'anma smasnil 'aj Lida yet' eb' 'aj Sarón, 'ix yiln eb' chajtlto xb'ox can winac. Yuj cha, 'ix sjeln eb' sb'eyb'al, 'ix ya'n 'och eb' snab'en 'a Cajlil.

A Tas Sc'ulejnac Eb' Schecab' Jesús Hechos 9:36

A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

A Tas Sc'ulejnac Eb' Schecab' Jesús Hechos 9:38

A chon̈b' Jope cha, ata 'ay 'a sla'nil chon̈b' Lida, 'a 'aj 'ayc' Pedro. Ax 'ix yab'n eb' creyente, to ata 'ayq'ui, 'ix checn 'at eb' chawn̈ winc 'a 'a, xit yalnoc eb' 'ixtc 'a 'a: —Coyc 'a chon̈b' Jope wal ticnec, xchi eb' 'a 'a.

A Tas Sc'ulejnac Eb' Schecab' Jesús Hechos 9:43

Ax Pedro, xcan jaye c'u 'a chon̈b' Jope cha. 'Ix 'ochcn wan 'a yatut jun win b'om tz'u'um, Simón sb'i winac.