A Tas Sc'ulejnac Eb' Schecab' Jesús Hechos 9:21 - Chuj San Sebastian Bible

²¹ Jantcn̈ej eb' x'ab'n yalni, caw 'ix sat sc'ojl eb'. 'Ix yaln eb' 'ixtic: —Palta atn win tic x'ec' 'a'nc 'och syailal eb' creyente 'a Jerusalén, atn eb' tzyal sb'a 'a Jesús. A qui nani to tzjaw win wul syam eb' creyente 'a tic, yic tzyi'n 'at win eb' 'a sat eb' ya'mal 'och qui ti 'a Dios, xchi eb'.

Chuj San Mateo Bible

²¹ Jantacn̈ej eb' ix ab'an yalan vin̈, ix te sat sc'ool eb'. Ix yalan eb': —Aton jun vin̈ tic ix ac'anoch syaelal eb' syal sb'a d'a Jesús d'a Jerusalén. A co naani to sja vin̈ ul syam eb' creyente d'a tic, yic syic'b'at eb' vin̈ d'a eb' vin̈ sat sacerdote, xchi eb'.

A Tas Sc'ulejnac Eb' Schecab' Jesús Hechos 9:21 ပူးပေါင်းရင်းမြစ်များ

Salmos 51:13

Yic wach' a eb' tz'ec' 'a yib'an̈, 'oj in cuy eb' 'a a b'eyb'al, ax eb' tzb'on maysch'olnil, 'oj meltzjoc pax 'och eb' wuj 'a yol a c'ab'.

Salmos 71:7

Til wal eb' xnachj 'el yu'uj, yujto 'ix yil eb' chajtlto ach xin a colcn 'eli.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

A Tas Sc'ulejnac Eb' Schecab' Jesús Hechos 2:12

Ton̈j 'ix sat sc'ojl eb' smasnil. 'Ix laj somchj chan̈ eb', 'ix laj yalnc eb' 'ixtic: —¿Tas laj wal yaj jun tzo'n̈ tic? xchi eb'.

A Tas Sc'ulejnac Eb' Schecab' Jesús Hechos 2:6

A yic 'ix c'an̈ jun cha, til wal 'anma 'ix syam sb'a 'a jun n̈a cha. 'Ix somchj chan̈ snab'en eb', yujto xlaj yab'lac eb' sti', a eb' creyente cha, xlaj yal eb' sti junjn chon̈b'al eb' 'anma'.

A Tas Sc'ulejnac Eb' Schecab' Jesús Hechos 3:10

Yuj cha, caw 'ix sat sc'ojl eb' si'mb'il, tas 'ix 'aj win sb'o'i, yujto yojc eb', 'a junjn c'u wocn 'ejm win sc'an stumn 'a sti yatut Dios, 'a jun tzcuch Wach' Yilxi.

A Tas Sc'ulejnac Eb' Schecab' Jesús Hechos 4:13

Ax 'ix yiln ewin yajl cha, chajtlto caw te'n xyutj sb'a Pedro yaln yet' Juan. 'Ix yiln pax ewinac, to may 'aj cuywnac eb', comn 'anma eb'. Yuj cha, caw sat sc'ojl ewinac. 'Ix nachj 'el yuj ewinac, chajtlto jun 'e'nc eb' yet' Jesús.

A Tas Sc'ulejnac Eb' Schecab' Jesús Hechos 7:59

Wan xo sjuln cham eb', 'ix leslwi Esteban, 'ix yaln 'ixtic: —Ach Wajlil Jesús, chaj in pixan, xchi.

A Tas Sc'ulejnac Eb' Schecab' Jesús Hechos 8:3

Ax win Saulo, caw xyac' win stul 'a eb' creyente. Tzann̈j 'aj 'ay eb', x'och win 'a yol yatut eb'. 'Ix laj yi'nc 'elt win eb' winac, yet' pax eb' 'ix 'ix, x'at ya'nc 'och win eb' 'a preso.

A Tas Sc'ulejnac Eb' Schecab' Jesús Hechos 9:22

Palta ax Saulo cha, 'ix swach' 'a'n 'ip yaln 'eli, sec tzcheclj 'eli, chajtlto a Jesús atn Cristo. Ax eb' israel 'aj Damasco cha, toxn ma'ix nachj 'el yuj eb', tas tzyutj eb' spacn 'a 'a.

2 Ts 1:10

A 'a yic jun c'u yic 'oj jawc Cajlilec, caw niwn yel'ch 'oj 'aj 'a qui satc an̈ yic on̈c xo. Qui masnil an̈ creyente on̈ec, 'oj ca'c 'ejm qui b'a 'a 'a. Locn ex quet' ta 'on̈, yujto eya'jnac 'och e c'ojl 'a jun 'ab'x 'ec' caljnac 'ayx on̈.

1 Jn 3:1

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.