A Tas Sc'ulejnac Eb' Schecab' Jesús Hechos 8:20 - Chuj San Sebastian Bible

²⁰ Palta xyaln Pedro 'a win 'ixtic. —Sat cab' 'el a tumn chi et'oc. A jun tzyac' Dios 'a nab'an̈ej, ¿tom tza na'a, to tztac' a mann yet' jab' a tumn tic?

Chuj San Mateo Bible

²⁰ Yuj chi' ix yalan vin̈aj Pedro d'a vin̈: —Ach satocab'el yed' q'uen a tumin chi', yujto a jun tas syac' Dios d'a nab'an̈ej ix a nib'ej a man yed' jab' a tumin tic.

A Tas Sc'ulejnac Eb' Schecab' Jesús Hechos 8:20 ပူးပေါင်းရင်းမြစ်များ

Pr 15:26

Matz chaj sc'ojl Jehová tas nab'il yuj eb' maysch'olnil sb'eyb'al, ax jun tzo'n̈ wach' paxti', caw tzchaj sc'ojol.

Is 55:1

Xyaln pax Dios 'ixtic: E masnil ax 'ay e tacn̈ti'al, cotn̈ec wul 'u'jec a', ax may e tumin cotn̈ec 'a tic, wul chajec tas tze c'ux 'a nab'an̈ej, wul chajec yal uva yet' lech tzeyuq'uej, may stojl tzc'anx 'ayex.

Dn 5:17

Xlajw cha, xta'w Daniel 'a win 'ixtic: —Can cab' jun tzo'n̈ a siylab' chi et' mamin rey, ax jun 'opiso cha, chucx cab' junc xo mach 'aj tzac'a. Palta an tic, 'oj wawtc jun tzo'n̈ letra tz'ib'b'il 'och tic ab'i', ax waln 'ayach, tas tzyal 'el'chi.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

Mt 10:8

A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

A Tas Sc'ulejnac Eb' Schecab' Jesús Hechos 1:18

Palta schaj win tumn 'a spatquil jun maysch'olnil 'ix sb'o'o. Sman win jun slum yet' q'uen tumn cha. Xlajwn̈ej cha, xpilch'j cot n̈ojnjoc winac. Xn̈i'chj 'elt yol sc'ojol.

A Tas Sc'ulejnac Eb' Schecab' Jesús Hechos 10:45

Ax eb' creyente israel ajun yet' Pedro cha, caw 'ix sat sc'ojl eb', yujto xyac' pax Dios Yespíritu 'a eb' man̈ israeloc.

A Tas Sc'ulejnac Eb' Schecab' Jesús Hechos 11:17

A Dios 'ix yac' Yespíritu 'a eb', 'icha xyutj ya'n 'ayn̈ec, yic ca'nec 'och Cajlil Jesucristo 'a qui c'ojol. Yuj cha, ¿tom 'oj stac' in tenn 'och wan tas tzb'o Dios? xchi Pedro 'a eb'.

A Tas Sc'ulejnac Eb' Schecab' Jesús Hechos 2:38

Yuj cha, 'ix yaln Pedro 'ixtc 'a eb': —Nac e b'a, tzeya'n 'ajxc bautisar e b'a junjn ex 'a sb'i Jesucristo, sec 'oj 'ajxc can lajwc e mul. 'Ixta to b'i'an, ax ya'n 'och Dios Yespíritu 'ayx jun xo.

A Tas Sc'ulejnac Eb' Schecab' Jesús Hechos 8:19

'Ix yaln win 'a eb' 'ixtic. —Mamtzac eyac' wopiso tic eyet'oc, sec wach' tzann̈j mach 'aj 'oj wa't in c'ab' 'a sjolom, 'oj scha eb' Yespíritu Dios wu'uj, xchi winac.

A Tas Sc'ulejnac Eb' Schecab' Jesús Hechos 8:22

Yuj cha, na a b'a, tzactncan jun a maysch'olnil tic. C'an 'a Dios, sec toq'ue 'oj ach yac' niwnc'ojlal yuj tas wan a nan tic.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Dt 7:26

Yuj cha, may wal junc tas yajb'il 'el 'oj stac' eyi'n 'at 'a eyatut, sec wach' ma'oj e satl pax jun xo. A jun tzo'n̈ cha, yowlal tzeyajcn 'el eb', tze satl smasnil, xchi Moisés.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

Santiago 5:3

'Ixta pax e tumin, wach'xam oro, mto plata, caw c'uxmtacx 'a jun 'ejmn̈ej, man̈x 'a jac yopiso. Ax jun sc'uxmtacl cha, a 'oj ch'oxnc 'el e mul. 'Icha stz'a junc tas yuj c'ac', 'ixta 'oj 'aj e niwnal yu'uj. Jab'xoj sjaw jun slajb' tiempoal, palta in cojxn e ricoal 'aj tzeya'ch e nab'en e molb'tzani.

Apoc 18:15

A eb' tzchon̈n jun tzo'n̈ cha, atn eb' x'och ricoal 'a spatc jun chon̈b' cha, 'oj can eb' 'a najat, yujto 'oj xiw eb' yuj jun syailal cha. Caw 'oj 'oc' eb'. 'Oj cul-loc eb' yoc' yu'uj.