A Tas Sc'ulejnac Eb' Schecab' Jesús Hechos 7:58 - Chuj San Sebastian Bible

⁵⁸ 'Ix yi'n 'at eb' 'a sti 'el chon̈ab'. A eb' x'a'n 'och 'a yib'n̈ Esteban cha, xyij 'el eb' junjn spotil, 'ix ya'n eb' 'a jun quelm winc Saulo sb'i, sec ax tztan̈wni. Xlajwn̈ej cha, syamn 'och eb' sjuln cham Esteban chi yet' q'uen q'ue'en.

Chuj San Mateo Bible

⁵⁸ A eb' ix ac'anb'at d'a yib'an̈ vin̈aj Esteban chi', ix squichel spatic sc'apac junjun eb', ix yac'ancanb'at eb' d'a jun vin̈ scuch Saulo, yic vach' a vin̈ tz'ilancani. Ix lajvi chi', ix och ijan eb' sjulancham vin̈aj Esteban chi' yed' q'uen q'ueen.

A Tas Sc'ulejnac Eb' Schecab' Jesús Hechos 7:58 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:13

Xlajw cha, 'ix c'och chawn̈ winc tu snab'en 'a Nabot, 'ix yaln eb' 'ixtc 'a eb' 'anma cha: A win Nabot tic, xb'uchwj win 'a Dios yet' 'a win rey, xchi eb'. Yuj cha, 'ix yi'n 'el eb' 'anma chi win 'a sti 'el chon̈ab', sjulq'uenan eb' winac, axta xchamcn win ta'.

Nm 15:35

Yuj cha, xyaln Jehová 'ixtc 'a Moisés: A jun winc cha, cham cab'i'. Smasnil eb' chon̈ab' sjulq'uenoc cab' eb' 'a spatquil 'el camplamento, xchi.

Lc 4:29

Yuj cha, xlaj q'ue wan eb', 'ix sto'n 'el eb' Jesús 'a sti 'el chon̈ab'. 'Ix c'och eb' 'a sjolm jun pa'n 'a stz'ey schon̈b' eb' cha, yujto snib'j eb' cob' sjulb't 'a pa'n cha.

A Tas Sc'ulejnac Eb' Schecab' Jesús Hechos 22:20

Ax win Esteban, win aljnac 'el ab'xil, yic sjulq'uenan eb', locn in ta', an moljnac spichl eb', yic sjuln cham eb' winac, xin chi 'a Cajlilec.

A Tas Sc'ulejnac Eb' Schecab' Jesús Hechos 22:23

Caw xq'ue somnjoc eb' yowxi, junjn eb' xlaj tzicb'tan̈c spichul. 'Ix sjop chan̈ eb' pococ, tzjuln q'ue eb' 'a cha'an̈. 'Ixta xyutj eb' sch'oxni, yujto caw tzowx eb' 'a Pablo cha.

A Tas Sc'ulejnac Eb' Schecab' Jesús Hechos 22:4

A 'a yic yalan̈, caw wixtjnac eb' 'aych snab'en 'a Jesús. 'Ay 'aj xin yam cot eb'. Toxn̈ej winac, toxn̈ej 'ix, c'uxn xwa'ch eb' 'a preso. An̈jtona 'ay 'aj in miljnac cham eb'.

A Tas Sc'ulejnac Eb' Schecab' Jesús Hechos 26:10

'ixta wutjnac in b'a 'a Jerusalén. 'Ochnc wopiso yuj ewin sat ya'mal 'och qui ti 'a Dios on̈, yuj cha, til wal eb' creyente wa'jnac 'och 'a preso, yic sma'x cham eb', in ta'w 'at 'a spatc eb'.

A Tas Sc'ulejnac Eb' Schecab' Jesús Hechos 6:11

Ax eb' cha, ton̈j xlaj sman eb' jaywn̈ stestigo. 'Ix ya'n eb' sc'ojloc eb', sec tzyal eb' 'ixtic: —'Ix cab' yaln win Esteban chi on̈. Caw 'ix b'uchwj win 'a qui mam quichmec Moisés, xb'uchwj pax win 'a Dios, xchi cob' eb'.

A Tas Sc'ulejnac Eb' Schecab' Jesús Hechos 6:13

Xlajw cha, 'ix sayn eb' jun tzo'n̈ xo eb' tz'a'n 'och 'es 'a yib'n̈ Esteban cha. 'Ix yaln eb' 'ixtc 'a ewin yajl cha: —A win Esteban tic, caw matz yactj can win sb'uchwj 'a yatut Dios, palta yicn̈ej Dios yaji. Tzb'uchwj pax win 'a ley yic Moisés.

A Tas Sc'ulejnac Eb' Schecab' Jesús Hechos 7:57

Ax eb' 'ayc' ta', 'ix q'ue b'uynjoc eb' yawji. 'Ix smacn eb' schiquin. C'uxn xcot jucnjoc eb' 'a 'a, 'ix stzicn cot eb'.

A Tas Sc'ulejnac Eb' Schecab' Jesús Hechos 8:1

A Saulo, caw locn yet' eb' xmiln cham Esteban. Atn wal 'a jun c'u cha, 'ix 'el yich yajx 'och jun niwn yailal 'a yib'n̈ eb' creyente 'aj Jerusalén cha. Yuj cha, 'ix laj yi'nc 'el sb'a eb'. 'Ix laj 'at eb' 'a jun tzo'n̈ xo chon̈b' 'a yol yic Judea cha, yet' 'a Samaria. Cojxnn̈ej eb' schecb' Jesús 'ix can 'a Jerusalén cha.

Dt 17:7

A eb' testigo cha, a eb' tzb'ab'l jul q'uenan jun 'ay smul cha. 'Ixta b'i'an, tzjul q'uenan eb' chon̈b' chi smasnil, sec 'ixta 'oj 'aj yel jun maysch'olnil chi 'a e cal.