A Tas Sc'ulejnac Eb' Schecab' Jesús Hechos 7:46 - Chuj San Sebastian Bible

⁴⁶ A David cha, caw niwn swach'c'ojlal Dios schajnac. Yuj cha, 'ix snib'j sb'o jun yatut sDiosal Jacob, atn qui Diosalec.

Chuj San Mateo Bible

⁴⁶ A vin̈aj David chi', te nivan svach'c'olal Dios schanac vin̈. Yuj chi', snib'ej vin̈ sb'onac jun stemplo Dios, aton jun Dios b'aj yac'naquem sb'a vin̈aj Jacob, aton pax co Diosal.

A Tas Sc'ulejnac Eb' Schecab' Jesús Hechos 7:46 ပူးပေါင်းရင်းမြစ်များ

A Ch'an̈ Schab'l Libro Samuel 6:21

'Ix ta'w David 'ixtic: —Yeltoni, in b'atj cha'an̈ palta atn 'a yojltac Jehová, yujto a in si'n 'och syajlilc chon̈b' sjelc a mam, yet' pax sjelc smasnil eb' ecan. Yuj cha, 'oj in b'atjn̈ej chan̈ yuj tzaljc'ojlal 'a yojltac Jehová.

Salmos 132:11

Wal yel aljnac 'a David 'ixtic: Ma'oj in jel tas waljnac, a junc onnal a 'oj wa'cn 'och 'a a despacho.

A Tas Sc'ulejnac Eb' Schecab' Jesús Hechos 13:22

Ax Dios, 'ix 'i'n 'el Saúl 'a yopiso. Ax David 'ix ya'x can 'och sjeloc. Yaln 'ixtc yu'uj: Yaj David yunnal Isaí. Atn jun tic, tzin tzalj yet'oc. A 'oj b'onc smasnil tas tzin nib'ej, xchi.

A Ch'an̈ B'ab'el Libro Samuel 13:14

Al ticnec, man̈ najtloc 'oj ac' reyal. A Jehová 'oj saync junc xo mach to tzyiclj tas tzyala, a 'oj ya'ch yajlil a jeloc, yujto ma'ix a yiclj tas tzyal schecnb'il, xchi.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.