A Tas Sc'ulejnac Eb' Schecab' Jesús Hechos 7:38 - Chuj San Sebastian Bible

³⁸ Atn Moisés chi 'e'nc yet' eb' 'anma 'a lum cusltac lu'um. 'Ayc' pax jun ángel yet' eb', atn jun xpaxtin yet' Moisés chi 'a lum Sinaí. Ata 'ayc' pax eb' qui mam quichmec yet'oc. A 'a Moisés cha, ata ya'jnac can Dios jun tzo'n̈ spaxti tzyal yuj qui q'uinlec. Yuj cha, a 'a'jnac can pax 'ayn̈ec.

Chuj San Mateo Bible

³⁸ Ec'nac vin̈ yed' eb' co mam quicham d'a jun taquin̈ luum. Aypaxec' jun ángel yed' eb', aton jun lolonnac yed' vin̈ d'a tzalan Sinaí. A d'a vin̈aj Moisés chi', ata' yalnaccan juntzan̈ lolonel Dios tz'ac'an co q'uinal. Axo vin̈ alannaccan d'ayon̈.

A Tas Sc'ulejnac Eb' Schecab' Jesús Hechos 7:38 ပူးပေါင်းရင်းမြစ်များ

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

A Tas Sc'ulejnac Eb' Schecab' Jesús Hechos 7:30

Schawinquil ab'il xo xc'och ta', x'at 'a lum witz Sinaí, 'a lum cusltac lu'um. Ata sch'ox sb'a jun ángel 'a 'a. 'Ayc' 'a scal jun c'ac', 'aj wan stz'a jun te q'ui'ix.

A Tas Sc'ulejnac Eb' Schecab' Jesús Hechos 7:35

Palta ax yic xc'och 'a eb' yit chon̈b' cha, toxn may yel'ch 'a sat eb'. 'Ix yaln eb' 'ixtc 'a 'a: ¿Mach ach 'a'n 'och juezal, yuj cha, tzon̈ a'n mandar on̈? xchi eb' 'a 'a. Palta a Dios, 'ix 'a'n yopiso Moisés chi ya'n mandar eb'. 'Ix ya'n pax yopiso yi'n 'elt eb' 'a scal syail. A jun ángel chi 'ix sch'ox sb'a 'a Moisés 'a scal te q'ui'ix, a 'ix 'och yet'oc.

A Tas Sc'ulejnac Eb' Schecab' Jesús Hechos 7:53

Wach'xam 'ac'b'il jun tzo'n̈ schecnb'il Dios yuj eb' ángel, chab'il cujec, palta matz eyiclej, xchi Esteban 'a eb'.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

Gl 3:19

Palta ¿tas yopiso jun ley chi tze na'a? 'Ac'b'il jun ley cha, sec tzcheclj 'el smul junjn 'anma'. 'Ayn̈j yopiso jun ley cha, masnto jawnac jun yin̈tl Abraham, atn jun 'aj ya'jnac can Dios sti'. Ax eb' ángel aljnac jun ley chi 'a Moisés, yujto a ya'jnac sb'a yuj eb' 'anma 'a Dios.

Dt 33:4

A jun ley 'ix wa'cn tic, 'icha to smacl eb' yin̈tl Jacob yaji.

A Ch'an̈ Carta D'a Eb' Hebreo 2:2

A spaxti Dios yaljnac can eb' ángel pecti', niwn yel'chi. 'Ay eb' quit israelal x'och smul 'a 'a, yujto ma'ix syiclj eb' tas tzyala. Yuj cha, caw x'ajx syailal eb'.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

A Ch'an̈ Carta D'a Eb' Hebreo 5:12

'In 'ayx stiempoal eya'n 'och 'a e c'ojol. Smoj to cuywjumx xo ticnec. Palta an̈j jun tzo'n̈ b'ab'l cuynb'il yic Dios, yowlal an̈ja tzat alx 'ayex. Mant 'a e te'nal, lajn ex 'icha junc tz'ulc 'unn tzat chuwi, mant 'a jac tas tzc'uxu.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.